Eversche Heid

Vun Wikipedia
Wapen/Flagg Koort
hett keen Wapen
Eversche Heid
Laag vun Eversche Heid in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Appel
Inwahners:
Postleettall: 21279
Vörwahl: 04165
Geograafsche Laag:
Koordinaten:53° 24′ N, 9° 46′ O
53° 24′ N, 9° 46′ O

Karte

De Eversche Heid (hoochdüütsch Eversen-Heide) is en Oort in de Gemeen Appel (Samtgemeen Hullnst) in’n Landkreis Horborg, Neddersassen.

Geografie[ännern | Bornkood ännern]

De Naveröörd sünd Arsdörp in’n Noorden, Ilsdörp un Swiersdörp in’n Noordoosten, Höll in’n Oosten, Ömbüddel un Raad in’n Süüdoosten, Olendörp, Appel un Eversen in’n Süüdwesten, Podendörp in’n Westen un Grauen in’n Noordwesten.

Historie[ännern | Bornkood ännern]

Dat Rebeed von de Eversche Heid bestünn fröher ut Heid un Holt un hett bi dat Dörp Eversen höört. Eerst in dat 20. Johrhunnert sünd dor en Reeg Feernhüüs boot worrn. Eerst mit un na’n Tweten Weltkrieg sünd veel Utbummte ut Hamborg fast in de Feernhüüs intagen.

Eerst an’t Enn von de Johren 1950 is en faste Straat na de Eversche Heid anleggt worrn un dor sünd Telefon, Stroom un fleten Water henkamen.

Religion[ännern | Bornkood ännern]

De Eversche Heid is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör de Eversche Heid löppt de Kreisstraat 31, de in’n Süüdwesten över Grauen un Appel na Hullnst an de Landsstraat 141 ran geiht un in’n Oosten in Höll an de Bundsstraat 3 ran. De B 3 löppt in’n Noorden över Ilsdörp na Öbergünn an de B 73 ran un in’n Süden över Mienenbüddel bi Bookholt an de B 75 un wieder op Snevern un Soltau to. Von Höll an de B 3 löppt na Oosten de K 52 na Tötsen in de Gemeen Rosengoorn un von Grauen ut in’n Westen de K 53 na Mesborg. Na Ömbüddel löppt de K 71.

De nächste Autobahn is de Autobahn 1. De Opfohrt 44 Raad liggt so fiev Kilometer in’n Süüdoosten von Eversche Heid an de B 3.

De nächsten Bahnhööv sünd so bi 13 Kilometer wied weg in’n Noordwesten de Bahnhoff Buxthu an de Nedderelvbahn un 13 Kilometer in’n Süüdoosten de Bahnhoff Sprötz an de Bahnlien Hamborg–Bremen. De Bahnhoff Vosshusen von de S-Bahn Hamborg (S 3/S 31) liggt so teihn Kilometer in’n Noordoosten.

Scholen[ännern | Bornkood ännern]

De Grundschölers ut Eversche Heid gaht na de Grundschool Hullnst.