Olendörp (Appel)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21279 | |
| Vörwahl: | 04165 | |
| Geograafsche Laag: | Koordinaten:53° 23′ N, 9° 45′ O53° 23′ N, 9° 45′ O | |
|
| ||
Olendörp (hoochdüütsch Oldendorf) is en Dörp in de Gemeen Appel (Samtgemeen Hullnst) in’n Landkreis Horborg, Neddersassen.
Geografie
[ännern | Bornkood ännern]Dat Water ut dat Rebeed flütt över’n Appelbeek na de Eest hen af.
De Naveröörd sünd Eversen in’n Noorden, Eversche Heid, Ömbüddel un Raad in’n Noordoosten, Mienenbüddel in’n Oosten, Wennersdörp in’n Süüdoosten, Winzendörp un Dierstörp in’n Süden, Hullnst in’n Süüdwesten un Appelbeek un Appel in’n Noordwesten.
Historie
[ännern | Bornkood ännern]Olendörp kummt 1109 toeerst in de Oorkunnen vör.
In’n Eersten Weltkrieg sünd fiev Soldaten ut Olendörp fullen oder vermisst un in’n Tweten Weltkrieg söven.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Raad in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hullnst in’n Kanton Töst.
De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
De Oort höört al von öllers bi de Gemeen Appel mit bi.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 7 Füürsteden |
| 1824[3] | 9 Füürsteden |
| 1848[4] | 70 Lüüd, 11 Hüüs |
| 1. Dezember 1871[5] | 84 Lüüd, 15 Hüüs |
| 1. Dezember 1885[6] | 79 Lüüd, 15 Hüüs |
| 1. Dezember 1905[7] | 66 Lüüd, 13 Hüüs |
Religion
[ännern | Bornkood ännern]Olendörp is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Maria-Kark in Buxthu tostännig.
Kultur
[ännern | Bornkood ännern]In Olendörp steiht en Denkmaal för de Fullenen ut de twee Weltkrieg’.
Weertschop un Infrastruktur
[ännern | Bornkood ännern]För Olendörp is de freewillige Füürwehr Appel mit tostännig.
Verkehr
[ännern | Bornkood ännern]Dör Olendörp löppt de Kreisstraat 63, de in’n Süüdwesten na Hullnst an de Landsstraat 141 ran geiht un in’n Süüdoosten na Mienenbüddel an de Bundsstraat 3. Lüttjere Straten gifft dat ans noch na Dierstörp in’n Süden, na Appel in’n Noordwesten un na Ömbüddel in’n Noordoosten. De L 141 geiht von Hullnst in’n Noorden na Buxthu un in’n Süden na Töst. De B 3 löppt von Mienenbüddel in’n Noorden över Ilsdörp na Öbergünn un in’n Süden an Bookholt langs.
De nächste Autobahn is de Autobahn 1 (Afsnidd Hamborg–Bremen). De Opfohrten 44 Raad (in’n Süüdoosten an de B 3) un 45 Hullnst (in’n Süüdwesten an de L 141) doot all beid veer Kilometer von Olendörp weg liggen.
De nächste Bahnhoff is so bi ölven Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen.
De Radfeernweg Hamborg-Bremen löppt ok dör Olendörp.
Scholen
[ännern | Bornkood ännern]De Grundschölers ut Olendörp gaht na de Grundschool Hullnst.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 175
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 464
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 143
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 75