Radfeernweg Hamborg-Bremen

Vun Wikipedia
Zur Navigation springen Zur Suche springen

De Radfeernweg Hamborg–Bremen is an’n 16. April 2005 offiziell in Bedriev nahmen worrn.

En Vörlöper vun dissen Radfeernweg hett dat al siet de 1980er Johren geven. De Weg hett en Läng vun ruchweg 150 km un is dörgahn mit Schiller kenntekent. In Bremen hett he’n Ansluss an den Werser-Radweg un in Hamborg an den Ilvradweg. De Radfeernweg kann ok as Afkörten för den Noordseeküstenradweg bruukt warrn. De Radweg is Deel vun de D-Route 7, de sülvst en Deel vun de EuroVelo-Route 3 (Pilgerweg) is.

Streckenwies hett de Radweg en teemlich slechten Boddenbelag ut losen Sand oder Koppsteenplaaster. Dat Föhren is dorüm op disse Afsnitten mit Fohrrööd mit smalle Riepens nich so goot. Vun wegen dat de Wind vör allen ut Westen weiht, is dat lichter, den Radfeernweg vun Bremen na Hamborg to beföhren, dat een den Wind in Rüch hett. Dat is sünners lichter för Radföhrers, de nich so öövt sünd.

Wegstreck[ännern | Bornkood ännern]

Von Hamborg ut föhrt de Radweg över den Landkreis Horborg (mit de Öörd Ehstörp, Hullnst un Heidenau), den Landkreis Rodenborg (mit de Öörd: Zittens, Heeßel un Zeven), dör den Künstleroort Hu’e in’n Landkreis Veern na Bremen.

Literatur[ännern | Bornkood ännern]

  • Radfernweg Hamburg-Bremen Maßstab 1:50000 , 1. Oplaag. Bielefelder Verlagsanstalt, Bielefeld März 2005 ISBN 3-87073-341-1

Websteed[ännern | Bornkood ännern]