Heeßel (Zeven)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Heeßel

Heeßel
Laag vun Heeßel in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Heeßel
Inwahners:
Postleettall: 27404
Vörwahl: 04287
Geograafsche Laag:
Koordinaten:53° 19′ N, 9° 20′ O
53° 19′ N, 9° 20′ O

Heeßel is de Hauptoord von de Gemeen Heeßel in de Samtgemeen Zeven, Landkreis Rodenborg, Neddersassen.

Dat Dörp Oosterheeßel hett polietsch ok al jümmer mit Heeßel tohoophöört. Dat Dörp Offens is siet 1857 mit Heeßel verbunnen.

Geografie un Geologie[ännern | Bornkood ännern]

Heeßel liggt op de Zevener Geest un ungefäähr fief Kilometer in’n Oosten vun Zeven.

Dör Heeßel löppt de an disse Steed noch teemlich lütte Stroom Oost. Dat Dörp liggt in en Landschap, de dör dat Oostdaal prägt is. Ünnerhalf vun de Kark in Heeßel liggt in’t Oostdaal de „Hollengrund“, de an mehrere Wannerweeg anslaten is, de en poor mol de Oost krüüzt. De Stroom sülvst warrt geern vun Kanuföhrers för jemehr Hobby nütt.

De Naveröörd sünd Bohnst mit Sellhoop, Braak un Bötzen in’n Noordoosten, Oosterbötzen un Oosterheeßel in’n Oosten, Wiertzen un Adiek in’n Süüdoosten, Frankenbossel un Wiersdörp in’n Süden, Zeven in’n Süüdwesten, Offens un Brauel in’n Westen un Meinst un Tzassenholt in’n Noordwesten.

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Heeßel is mehr as 1.000 Johr oolt. An dissen Oort weer 961 en Froonsklooster grünnt. De Kark is in’n fröhromaansch Stil ut Feldstenen boot un is in’n Ilv-Werser-Ruum de öllste Kark vun disse Oort.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Heeßel in’n Kanton Zeven höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Zeven in’n Kanton Zeven.

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort hett bi de Gemeenreform in Neddersassen an’n 1. März 1974 tohoop mit acht annere Gemenen de vergrötterte Gemeen Heeßel billt.

Inwahnertall[ännern | Bornkood ännern]

Johr Inwahners
1791-00-00 1791[1] 30 Füürsteden
1824-00-00 1824[2] 32 Füürsteden
1848-00-00 1848[3] 327 Lüüd. 56 Hüüs
1871-12-011. Dezember 1871[4] 397 Lüüd. 74 Hüüs
1885-12-011. Dezember 1885[5] 368 Lüüd. 71 Hüüs
1905-12-011. Dezember 1905[6] 455 Lüüd. 78 Hüüs
1910-12-011. Dezember 1910[7] 607
1925-00-00 1925[8] 696
1933-00-00 1933[8] 803
1939-00-00 1939[8] 834

Religion[ännern | Bornkood ännern]

Vitus-Kark in Heeßel

Heeßel is evangeelsch-luthersch präägt un billt mit de Vitus-Kark en egen Kaspel.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

Bowark[ännern | Bornkood ännern]

En schöön Bowark is dat Bördenheimathuus Heeßel. Dat is en Neddersassenhuus, wo mehr as 800 Saken ut de büerlich Kultur un dat ländlich Handwark utstellt sünd. Mitünner warrt ok Sünnerutstellen wiest.

Sport un Verenen[ännern | Bornkood ännern]

Dat Dörp is dör dat Leven in’n Sportvereen prägt, de eenige Breedensportoorden anbeden deit. De TuS Heeßel von 1906 hett na juristische Problemen 2013 sien Speelrechten an’n nee grünnten Heeßler SC afgeven.

Wietere Tohopensluten sünd de freewillig Füerwehr un de Dörpsjöögd, un nich toletzt ok de Heimat- un Föddergemeenschap Heeßeler Böörd, de sik all mit Aktivitäten in de Dörpsgemeenschap inbringen doot.

Weertschop un Infrastruktur[ännern | Bornkood ännern]

Heeßel gellt na dat Regionale Ruumordnungsprogramm as Grundzentrum för de Öörd in de Ümgegend.

Verkehr[ännern | Bornkood ännern]

Heeßel liggt afsiets vun de groten Verkehrsverbinnen. Över de L 124 kummt man vun Heeßel ut na Zeven, wo Ansluss an de B 71 besteiht. Dorhen föhrt ok de L 142, de Zittens mit Zeven verbinnen deit un dorbi dör Wiertzen un Wiersdörp löppt.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so ölven Kilometer in’n Süden von Heeßel an de L 131.

De nächsten Bahnhööv sünd so üm un bi 20 Kilometer wied weg in’n Noorden de Bahnhööv Kutenhult, Bargst un Harsfeld an de Bahnlien Bremerhoben–Buxthu. De Bahnhoff Scheeßl an de Bahnlien Hamborg–Bremen liggt so 24 Kilometer in’n Süüdoosten. Von 1917 bet 1971 hett dat ok Personenverkehr op de Bahnlien Wilst–Töst geven, an de Heeßel en egen Bahnhoff harr.

Dör dat Gemeenrebeet löppt ok de Radfeernweg Hamborg-Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 105
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 258
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 140
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 182
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 194
  7. Inwahnertallen op gemeindeverzeichnis.de
  8. 8,0 8,1 8,2 Inwahnertallen op verwaltungsgeschichte.de