Sellhoop

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Sellhoop
Laag vun Sellhoop in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Heeßel
Inwahners:
Postleettall: 27404
Vörwahl: 04287
Geograafsche Laag:
Koordinaten:53° 21′ N, 9° 22′ O
53° 21′ N, 9° 22′ O

Sellhoop (hoochdüütsch Sellhoop) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen.

De Oort höört al von öllers bi Wens mit bi.

Geografie[ännern | Bornkood ännern]

De Oort liggt op de Zevener Geest. Dat Water ut dat Rebeed flütt över’n Fallohbeek na de Twiest hen af.

De Naveröörd sünd Wens in’n Noorden, Wangersen in’n Noordoosten, Steddörp un Braak in’n Süüdoosten, Bötzen in’n Süden, Heeßel un Meinst in’n Süüdwesten un Bohnst in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

De Oort weer von öllers Deel von de Gemeen Wens. De Gemeen Wens is an’n 1. März 1974 mit de Gemeenreform in Neddersassen Deel von de Gemeen Heeßel worrn.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 11 Lüüd. 2 Hüüs

Religion[ännern | Bornkood ännern]

Sellhoop is evangeelsch-luthersch präägt un höört to dat Kaspel von de Viti-Kark in Heeßel.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

För Sellhoop is de freewillige Füürwehr Wens mit tostännig.

Verkehr[ännern | Bornkood ännern]

An Sellhoop löppt de Kreisstraat 120 langs, de in’n Noorden över Wens un Viehbrook na Kohlenhusen geiht un in’n Süden bi Bötzen an de Landsstraat 124 ran. De K 120 warrt in Sellhoop krüüzt von de K 134, de in’n Westen över Bohnst na Tzassenholt löppt un in’n Oosten na Steddörp an de L 124. De L 124 wedder föhrt in’n Noordoosten över Wangersen un Ohlers na Harsfeld un Stood un in’n Süüdwesten na Heeßel un Zeven an de Bundsstraat 71.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 14 Kilometer in’n Süüdoosten von Sellhoop an de L 130.

De nächste Bahnhoff is so bi 16 Kilometer wied weg in’n Noordoosten de Bahnhoff Bargst an de Bahnlien Bremerhoben–Buxthu.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 197