Wens (Landkreis Rodenborg)

Vun Wikipedia
Wapen/Flagg Koort
Wapen unbekannt
Wens
Laag vun Wens in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Heeßel
Flach: 13,39 km²
Inwahners: 342 (2010-12-3131. Dezember 2010)
Inwahnerdicht: 25,5 Inwahners pro km²
Hööchd: 31 m över NN
Postleettall: 27404
Vörwahl: 04287
Geograafsche Laag:
Koordinaten:53° 22′ N, 9° 22′ O
53° 22′ N, 9° 22′ O

Karte

Wens (hoochdüütsch Wense) is en Dörp in de Gemeen Heeßel (Samtgemeen Zeven) in’n Landkreis Rodenborg, Neddersassen. To Wens höört von öllers ok de lüttjen Öörd Bohnst, Sellhoop, Stuhenfieren un Viehbrook mit to.

Geografie[ännern | Bornkood ännern]

In’n Westen von Wens flütt de Fallohbeek langs, de in’n Noordwesten in de Twiest münnt.

De Naveröörd sünd Viehbrook un Winnerswohl in’n Noorden, Stuhenfieren un Ottendörp in’n Noordoosten, Wangersen in’n Oosten, Steddörp in’n Süüdoosten, Sellhoop un Bötzen in’n Süden, Bohnst, Heeßel, Meinst un Tzassenholt in’n Süüdwesten un Annerlingen un Grafel in’n Noordwesten.

Historie[ännern | Bornkood ännern]

In de Feldmark von Wens sünd 44 Hünengräver nawiest, de wohrschienlich ut de Bronztied (1700–1100 v. Chr.) stammen doot.

In’n Eersten Weltkrieg sünd acht Soldaten ut Wens fullen oder vermisst un in’n Tweten Weltkrieg 24.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Gemeen Wens is an’n 1. März 1974 an de Gemeen Heeßel kamen. Sietdem hett de Oort en Oortsbeopdragten binnen de Gemeen.

Inwahnertall[ännern | Bornkood ännern]

Johr Inwahners
1793-00-001793[2] 11 Füürsteden
1824-00-001824[3] 7 Füürsteden
1848-00-001848[4] 102 Lüüd, 20 Hüüs
1871-12-011. Dezember 1871[5] 120 Lüüd, 23 Hüüs

Religion[ännern | Bornkood ännern]

Wens is evangeelsch-luthersch präägt un höört to dat Kaspel von de Viti-Kark in Heeßel.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Heeßel op’n Karkhoff.

Weertschop un Infrastruktur[ännern | Bornkood ännern]

Wens hett en egene Freewillige Füürwehr.

Verkehr[ännern | Bornkood ännern]

Dör Wens löppt de Kreisstraat 120, de in’n Noordoosten bi Viehbrook in’n Landkreis Stood to de K 76 warrt, över Kohlenhusen na Örsdörp geiht un den Oort na Harsfeld anbinnen deit. In’n Süden geiht de K 120 bi Bötzen an de Landsstraat 124, de denn wieder na Heeßel un Zeven geiht.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 14 Kilometer in’n Süüdoosten von Wens.

De nächste Bahnhoff is so bi 14 Kilometer wied weg in’n Noordoosten de Bahnhoff Bargst an de Bahnlien Bremerhoben–Buxthu.

Footnoten[ännern | Bornkood ännern]

  1. http://www.denkmalprojekt.org/2009/heeslingen_wk1u2_ns.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 245: https://books.google.de/books?id=jN5QAAAAcAAJ&pg=PA245
  3. C. H. Jansen: Statistisches Handbuch des Königreichs Hannover. 1824, Sied 650: http://books.google.de/books?id=tG0AAAAAcAAJ&pg=PA650
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172