Mairie Bevern
De Mairie Bevern weer in de Franzosentied (1810 bet 1813) een von de veer Mairien, in de de Kanton Zeven indeelt weer. De Seet weer in Bevern. Se harr 1885 Inwahners.[1]
Historie
[ännern | Bornkood ännern]De Ümgegend von Bevern hett vör de Franzosentied to de Vaagdie Bremervöör von dat Amt Bremervöör un de Böörden Heeßel un Sürsen von dat Amt Zeven in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Bevern een von de söss Mairien in’n Kanton Sürsen von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Bevern weer nu een von de veer Mairien in’n Kanton Zeven, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Bevern, Malst un Wens (all dree in’n Kanton Sürsen) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
[ännern | Bornkood ännern]Dor hebbt düsse Öörd tohöört:
- Königriek Westfalen:[2]
- Bevern, Forsthuus, Heesdörp, Övelgünn, Lüttbossel, Minst, Plönjeshusen, Bokel, Falje, Walkmöhl, Öölmerdamm
- Kaiserriek Frankriek:[1]
- Bevern, Forsthuus, Heesdörp, Övelgünn, Lüttbossel, Minst, Plönjeshusen, Bokel, Falje, Walkmöhl, Öölmerdamm (798 Inwahners)
- Malst, Byhusen, Deins, Farm, Baast, Gooshuus, Ochenhusen, Sandbossel, Hütten, Stoppelheid (651 Inwahners)
- Wens, Meinst, Bohnst, Stuhenfieren, Viehbrook, Wangersen, Hogenhusen, Steddörp, Flassbarg, Offens (436 Inwahners)
Vondaag sünd düsse Öörd Deel von de Samtgemenen Sürsen, Zeven un Harsfeld un de Stadt Bremervöör.
Footnoten
[ännern | Bornkood ännern]- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 70
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 10