Bokel (Bevern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27432 | |
| Vörwahl: | 04761 | |
| Geograafsche Laag: | Koordinaten:53° 26′ N, 9° 11′ O53° 26′ N, 9° 11′ O | |
|
| ||
Bokel (hoochdüütsch Bokel) is en Oort in de Gemeen Bremervöör in’n Landkreis Rodenborg, Neddersassen. Dat is vondaag Deel von den Oort Bevern.
Geografie
[ännern | Bornkood ännern]Bokel liggt op dat linke Över von de Bever wieldes Bevern op dat rechte liggt.
De Naveröörd sünd Bevern in’n Noorden, Plönjeshusen un Bockhorst in’n Süüdoosten, Sandbossel in’n Süüdwesten, Minst in’n Westen un Sprekens un Tingo in’n Noordwesten.
Historie
[ännern | Bornkood ännern]Bi dat Anleggen von en Steekrövenmiet hett in’n Oktober 1928 en Buur in Bokel en Toonvaas mit 14.000 Münten (Brakteaten) funnen.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör. 1977 is dat Deel von’n Landkreis Rodenborg worrn.
Bokel hett fröher to de Gemeen Minst tohöört, is in dat 19. Johrhunnert aver in de Gemeen Bevern wesselt.
De Oort is an’n 1. März 1974 tohoop mit Bevern Deel von de Gemeen Bremervöör worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 13 Lüüd, 2 Hüüs |
| 1. Dezember 1871[4] | 22 Lüüd, 4 Hüüs |
Religion
[ännern | Bornkood ännern]Bokel is evangeelsch-luthersch präägt un höört to dat Kaspel von de Hillig-Krüüz-Kark in Bevern.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Bokel löppt de Bundsstraat 71, de in’n Noorden na Bevern un Bremervöör geiht un in’n Süden na Sürsen un Zeven. In’n Westen geiht de Kreisstraat 125 na Minst un in’n Oosten geiht en lüttjere Straat na Plönjeshusen.
De nächste Autobahn is de Autobahn 1. De Opfohrt 48 Elsdörp liggt so 27 Kilometer in’n Süüdoosten von Bokel.
De nächste Bahnhoff is so bi söven Kilometer wied weg in’n Noordwesten de Bahnhoff Bremervöör an de Bahnlien Bremerhoben-Buxthu. Von 1908 bet 1968 hett dat ok dichtbi in Bevern en Bahnhoff an de Bahnlien von Bremervöör na Rodenborg geven.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 26: https://books.google.de/books?id=jN5QAAAAcAAJ&pg=RA1-PA26
- ↑ C. H. Jansen: Statistisches Handbuch des Königreichs Hannover. 1824, Sied 64: http://books.google.de/books?id=tG0AAAAAcAAJ&pg=PA64
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144
