Bever (Oost)

Bever
Laag	Neddersassen
Stroomsystem	Elv
Läng	27,3 km
Afströömrebeed	159 km²
Born	bi Frankenmoor (op 32 m över NN)
Münn	süden von Bremervöör (op 2 m över NN)
Waterkenntall	DE: 5984
linke Blangenströöm	Reither Beek, Linsbeek, Duxbeek
rechte Blangenströöm	Baaster Beek, Otter, Fischgraven
schippbor	-
Seen	-
Havens	-
Bever kort vör de Münn in de Oost

De Bever is en 27,3 Kilometer langen Beek in Neddersassen, de von rechts rin’e Oost flütt. De Born liggt an’n Rand von dat Naturschuulrebeed Frankenmoor (NSG LÜ 215), dicht bi dat Dörp Frankenmoor. Von dor flütt se toeerst na Süüdwesten, dreiht denn in en wieden Bagen na Noordwesten un flütt bi Bremervöör rin’e Oost.

De Naam kummt woll dor von, dat dat dor fröher veel Bevers geven hett.

In de Oorkunnen kummt de Beek as bivernam toeerst vör in de Oorkunn von’n 29. Juni 786, mit de de Grenzen von dat nee grünnte Bisdom Veern beschreven worrn sünd.

Watersport

Op de Bever kann bi goden Waterstand von de Stratenbrügg Byhusener Straat twischen Farven un de Hüüs von’n Farmer Oortsdeel Steenbarg bet na de Münn in de Oost op 17,5 km mit Kajaks un Kanus föhrt warrn. In de Tied von 1. März bet 15. Juli is de Beek sperrt.

Weblenken

Bever (Oost). Mehr Biller, Videos oder Audiodateien to’t Thema gifft dat bi Wikimedia Commons.