Plönjeshusen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Plönjeshusen

Plönjeshusen
Laag vun Plönjeshusen in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Flach: 3,97 km²
Inwahners: 249 (2015-01-3131. Januar 2015)
Inwahnerdicht: 62,7 Inwahners pro km²
Postleettall: 27432
Vörwahl: 04761
Geograafsche Laag:
Koordinaten:53° 26′ N, 9° 12′ O
53° 26′ N, 9° 12′ O
IsheimOostendörpMehdörpHönau-LindörpSprekensMinstPlönjeshusenÖölmNeer-OchenhusenBevernHeesdörpBremervöör
Laag von Plönjeshusen in de Gemeen Bremervöör (Koort lett sik anklicken)

Plönjeshusen (hoochdüütsch Plönjeshausen) is en Dörp in de Gemeen Bremervöör, in’n Landkreis Rodenborg, Neddersassen. De Oort liggt an de Bever.

Geografie[ännern | Bornkood ännern]

In Plönjeshusen münnt de Duxbeek in de Bever.

De Naveröörd sünd Heesdörp un Övelgünn in’n Noorden, Byhusen in’n Noordoosten, Malst in’n Oosten, Deins in’n Süüdoosten, Bockhorst in’n Süden, Sandbossel in’n Süüdwesten, Minst in’n Westen un Bevern in’n Noordwesten.

Historie[ännern | Bornkood ännern]

De Legenn seggt, dat dat Dörp 1411 grünnt worrn is. Arzbischop Jan II. von Slamersdörp hett en Konkubin, de em vör en Kumplott gegen em wohrschaut hett, as Dank en Möhlengood an de Steed, wo de Duxbeek in de Bever flütt, schenkt. Disse Deern hett latiensch Apollonia heten un ut ehr plattdüütsche Naamform schall de Naam Plönjeshusen kamen. De öllste Oorkunn, in de de Naam vörkummt, is aver eerst von 1459.

In’n Eersten Weltkrieg sünd acht Soldaten ut Plönjeshusen fullen oder vermisst[1].

Plönjeshusen weer von’n 1. Januar 1971 bet 1974 Maat von de Samtgemeen Oostdaal un is an’n 1. März 1974 denn bi de Gemeenreform in Neddersassen mit de Gemeen Bremervöör tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 14 Füürsteden
1848-00-001848[3] 107 Lüüd. 16 Hüüs
1910-12-011. Dezember 1910[4] 123
1925-00-001925[5] 134
1933-00-001933[5] 132
1939-00-001939[5] 144
2005-03-3131. März 2005 227
2009-12-3131. Dezember 2009[6] 216
2015-01-3131. Januar 2015[7] 249

Wapen[ännern | Bornkood ännern]

Dat Wapen wiest op roden Grund links baven en gollen Spitz un rechts en sülvern Bischopsstaff.

Politik[ännern | Bornkood ännern]

Plönjeshusen hett binnen de Gemeen Bremervöör en egen Oortsvörstand. Dat is Ralf Worringen.

Tied Oortsvörstand
-2011 Hans Heinrich Knabbe
2011- Ralf Worringen

Religion[ännern | Bornkood ännern]

Plönjeshusen is evangeelsch-luthersch präägt un höört to dat Kaspel Bevern.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ in Plönjeshusen un Bevern steiht in Bevern bi de Kark.

Verenen[ännern | Bornkood ännern]

De Heimatvereen Plönjeshusen is an’n 13. Dezember 1974 grünnt worrn. De Heimatvereen bedrifft ok en Museumsanlaag, in de ünner annern en Schaapstall, en Schuur, en Göpel, en Backhuus un twee Schünen staht un to’n Bispeel ole Maschinen ut de Buuree un Warktüüg ut dat Handwark wiest warrt.

Infrastruktur[ännern | Bornkood ännern]

Verkehr[ännern | Bornkood ännern]

Plönjeshusen liggt een Kilometer af von de Bundsstraat 71, de in’n Noorden na Bremervöör un in’n Süden na Selsen löppt. De Straten na Bevern un Bockhorst loopt all beid an de B 71 ran. En lüttjere Straat gifft dat ans noch na Malst.

Scholen[ännern | Bornkood ännern]

Plönjeshusen hett en egen Kinnergoorn.

Literatur[ännern | Bornkood ännern]

  • Rainer Brandt: Plönjeshausen: Das Haus der Apollonia. Eine Dorfchronik. 1984

Weblenken[ännern | Bornkood ännern]

Commons-logo.svg Plönjeshusen. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. http://www.denkmalprojekt.org/dkm_deutschland/bremervoerde-bevern_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 486: http://books.google.de/books?id=tG0AAAAAcAAJ&pg=PA486
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. http://www.gemeindeverzeichnis.de/gem1900/gem1900.htm?hannover/bremervoerde.htm
  5. a b c http://www.verwaltungsgeschichte.de/bremervoerde.html
  6. Bremervörde und die Ortschaften, archiveert in dat Internet Archive
  7. Bremervörde und die Ortschaften