Mehdörp

Vun Wikipedia
Wapen/Flagg Koort

Wapen vun Mehdörp

Mehdörp
Laag vun Mehdörp in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Flach: 7,57 km²
Inwahners: 214 (2015-01-3131. Januar 2015)
Inwahnerdicht: 28,3 Inwahners pro km²
Postleettall: 27432
Vörwahl: 04761
Geograafsche Laag:
Koordinaten:53° 32′ N, 9° 6′ O
53° 32′ N, 9° 6′ O
IsheimOostendörpMehdörpHönau-LindörpSprekensMinstPlönjeshusenÖölmNeer-OchenhusenBevernHeesdörpBremervöör
Laag von Mehdörp in de Gemeen Bremervöör (Koort lett sik anklicken)

Karte

Meh bi Mehdörp
Oortsingang von Mehdörp

Mehdörp (hoochdüütsch Mehedorf) is en Dörp in de Gemeen Bremervöör, in’n Landkreis Rodenborg, Neddersassen. Dat Dörp liggt an de Meh.

Geografie[ännern | Bornkood ännern]

De Naveröörd sünd Abbenseth in’n Noorden, Isheim in’n Noordoosten, Neendamm in’n Oosten, Hönau-Lindörp in’n Süüdoosten, Glinn in’n Süden, Eversdörp in’n Süüdwesten un Alfs in’n Westen.

Historie[ännern | Bornkood ännern]

Mehdörp is 1774 as Moorkolonie von Jürgen Christian Findörp in de Form von en Stratendörp grünnt worrn.

In’n Eersten Weltkrieg sünd 21 Soldaten ut Mehdörp fullen oder vermisst un in’n Tweten 23[1].

Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.

Mehdörp is 1974 bi de Gemeenreform in Neddersassen mit de Gemeen Bremervöör tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 37 Füürsteden
1848-00-001848[3] 398 Lüüd, 51 Hüüs
1910-12-011. Dezember 1910[4] 332
1925-00-001925[5] 329
1933-00-001933[5] 310
1939-00-001939[5] 312
1950-00-001950[6] 413
1970-00-001970[6] 299
2005-03-011. März 2005 240
2009-12-3131. Dezember 2009[7] 231
2015-01-3131. Januar 2015[8] 214

Religion[ännern | Bornkood ännern]

Mehdörp is evangeelsch-luthersch präägt un höört to dat Kaspel von de Findörp-Kark in Isheim. Bet 1965 hett de Oort noch to dat Kaspel von de Liborius-Kark in Bremervöör höört. As in dat Johr de Auferstehungskark in Bremervöör nee boot worrn is, is disse Kark för den Oort tostännig ween. Eerst 1994 is de Findörp-Kark egenstännige Karkengemeen worrn un sietdem höört Mehdörp na Isheim.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik[ännern | Bornkood ännern]

Mehdörp hett binnen de Gemeen Bremervöör en egen Oortsraad mit fiev Maten. Oortsbörgermeester is Erwin Busch.

Wapen[ännern | Bornkood ännern]

Dat Wapen wiest op blauen Grund en gollen Neddersassenhuus un ünnen op sülvern Grund en blaue Wellenlien, de för de Meh steiht.

Kultur[ännern | Bornkood ännern]

En Denkmaal för de Fullenen ut Mehdörp, Neendamm un Isheim ut de twee Weltkrieg’ steiht bi’n Karkhoff in Isheim.

Infrastruktur[ännern | Bornkood ännern]

Verkehr[ännern | Bornkood ännern]

Mehdörp liggt as Stratendörp an de Straat An de Meh, de in’n Noorden bi Isheim an de Kreisstraat 35/Kreisstraat 105 rangeiht. In’n Süden löppt de Straat bi Glinn an de Bundsstraat 74/71 ran. Lüttjere Straten gifft dat ans na Eversdörp un Alfs.

Scholen[ännern | Bornkood ännern]

De eerste School in Mehdörp is 1820 boot worrn. 1860 un 1911 hett dat Dörp denn noch twee Maal wedder en neet Schoolhuus kregen. De School is denn 1967 ganz dicht maakt worrn un de Kinner müssen denn na Isheim na School gahn. Na Gymnasium gaht de Schölers in Bremervöör.

Lüüd[ännern | Bornkood ännern]

De plattdüütsche Schriever Thomas Stelljes is in Mehdörp opwussen.

Footnoten[ännern | Bornkood ännern]

  1. http://www.denkmalprojekt.org/2009/bremervoerde-iselersheim_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 400: http://books.google.de/books?id=tG0AAAAAcAAJ&pg=PA400
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  4. http://www.gemeindeverzeichnis.de/gem1900/gem1900.htm?hannover/bremervoerde.htm
  5. a b c http://www.verwaltungsgeschichte.de/bremervoerde.html
  6. a b http://www.mehedorf.de/chronik.html
  7. Bremervörde und die Ortschaften, archiveert in dat Internet Archive
  8. Bremervörde und die Ortschaften

Weblenken[ännern | Bornkood ännern]

Mehdörp. Mehr Biller, Videos oder Audiodateien to’t Thema gifft dat bi Wikimedia Commons.