Neendamm (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Neendamm
Laag vun Neendamm in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Inwahners:
Postleettall: 27432
Vörwahl: 04769
Geograafsche Laag:
Koordinaten:53° 32′ N, 9° 8′ O
53° 32′ N, 9° 8′ O

Neendamm (hoochdüütsch Neuendamm) is en Oort in de Gemeen Bremervöör, in’n Landkreis Rodenborg, Neddersassen. Dat Dörp liggt in de Neegd von de Meh un de Oost.

Geografie[ännern | Bornkood ännern]

De Naveröörd sünd Isheim in’n Noorden, Oostendörp in’n Noordoosten, Ottendörp in’n Oosten, Neer-Ochenhusen in’n Süüdoosten, Hönau un Lindörp in’n Süden un Mehdörp in’n Westen.

Historie[ännern | Bornkood ännern]

Neendamm is 1780 as Findörpsche Moorkolonie in de Form von en Stratendörp grünnt worrn. De Naam kummt von’n ne’en Damm, op den de Straat von dat Holt Höhn na’n Iseler hen dör dat Moor lopen dee.

Vör 1885 leeg de Oort in dat Amt Bremervöör un is denn Deel von’n Kreis Bremervöör wesen. 1977 is dat denn Deel von’n Landkreis Rodenborg worrn.

Neendamm hett an’n 1. April 1929 sien Egenstännigkeit as Gemeen verloren un is mit Isheim, Hönau un Lindörp to de Gemeen Sanddamm tohoopslaten worrn. Disse Gemeen is 1949 wedder oplööst worrn, Neendamm denn aver bi de Gemeen Isheim bleven. An’n 1. März 1974 is de Oort bi de Gemeenreform in Neddersassen denn tohoop mit Isheim an de Gemeen Bremervöör kamen.

In’n Eersten Weltkrieg sünd negen Soldaten ut Neendamm fullen oder vermisst un in’n Tweten 16[1].

Inwahnertall[ännern | Bornkood ännern]

Johr Inwahners
1824-00-001824[2] 14 Füürsteden
1848-00-001848[3] 173 Lüüd. 21 Hüüs
1910-12-011. Dezember 1910[4] 127

Religion[ännern | Bornkood ännern]

Neendamm is evangeelsch-luthersch präägt un höört to dat Kaspel Isheim.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur[ännern | Bornkood ännern]

En Denkmaal för de Fullenen ut Mehdörp, Neendamm un Isheim ut de twee Weltkrieg’ steiht bi’n Karkhoff in Isheim.

Weertschop un Infrastruktur[ännern | Bornkood ännern]

Elektrischen Stroom hett Neendamm 1921 kregen.[5]

Verkehr[ännern | Bornkood ännern]

Neendamm liggt as Stratendörp an de Kreisstraat 105, de in’n Noorden na Isheim un denn na Abbenseet geiht. In’n Süden löppt de Straat över Hönau un Lindörp na Bremervöör an de Bundsstraat 74/71 ran. In’n Noordoosten geiht de K 136 na Oostendörp un Ottendörp.

De nächste Bahnhoff is de Bahnhoff Bremervöör an de Bahnlien Bremerhoben-Buxthu.

Footnoten[ännern | Bornkood ännern]

  1. http://www.denkmalprojekt.org/2009/bremervoerde-iselersheim_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 430: http://books.google.de/books?id=tG0AAAAAcAAJ&pg=PA430
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  4. http://www.gemeindeverzeichnis.de/gem1900/gem1900.htm?hannover/bremervoerde.htm
  5. http://iselersheim.kkbz.de/own-images/Gemeinde-Geschichte.pdf