Isheim

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Bremervöör
Flach:	4,86 km²
Inwahners:	362 (2015-01-3131. Januar 2015)
Inwahnerdicht:	74,5 Inwahners pro km²
Postleettall:	27432
Vörwahl:	04769
Geograafsche Laag:	53° 34′ N, 9° 8′ O
Laag von Isheim in de Gemeen Bremervöör (Koort lett sik anklicken)

Isheim (hoochdüütsch Iselersheim) is en Dörp un Oortschop in de Gemeen Bremervöör, in’n Landkreis Rodenborg, Neddersassen. De Oort liggt an dat linke Över von de Meh.

Geografie

Dat Dörp liggt in’t Moor. De eenzige Punkt, de höger liggt, is de Iseler.

De Naveröörd sünd Oostendörp in’n Noordoosten, Ottendörp in’n Süüdoosten, Neendamm in’n Süden, Mehdörp in’n Süüdwesten, Abbenseet in’n Westen un Hollen in’n Noordwesten.

Historie

Findörp-Huus

Findörp-Graff

Isheim is 1780 dör Jürgen Christian Findörp as Moorkolonie grünnt worrn. De Naam kummt von’n Iseler, de as högerlegen Rebeed ut dat Moor rutkickt. Findörp is later ok in Isheim begraven worrn.

An’n 1. April 1929 is dat Dörp mit de Öörd Neendamm, Hönau un Lindörp to de Gemeen Sanddamm tohoopslaten worrn. Disse Gemeen is mit’n 1. Oktober 1949 denn oplööst worrn un Isheim hett mit Neendamm de Gemeen Isheim billt.

In’n Eersten Weltkrieg sünd 15 Soldaten ut Isheim fullen oder vermisst un in’n Tweten 15.

Isheim weer von’n 1. Januar 1971 bet 1974 Maat von de Samtgemeen Oostdaal un is an’n 1. März 1974 denn bi de Gemeenreform in Neddersassen Deel von de Gemeen Bremervöör worrn.

Inwahnertall

Johr	Inwahners
1824-00-001824	19 Füürsteden
1848-00-001848	189 Lüüd, 27 Hüüs
1910-12-011. Dezember 1910	196
1949-10-011. Oktober 1949	496
2005-03-3131. März 2005	403
2009-12-3131. Dezember 2009	381
2015-01-3131. Januar 2015	362

Wapen

Dat Wapen wiest op gollen Grund en grönen Schildfoot un dor op in swart dat Poortal von dat Findörp-Ehrenmaal un in dat Poortal en Findling mit’n Bookstaav F op.

Politik

Isheim hett binnen de Gemeen Bremervöör en egen Oortsraad mit fiev Maten un en Oortsbörgermeester. Dat is Reiner Brandt. Fröher harr Isheim blots en Oortsvörsteiher.

Oortsvörsteihers:

• Hinrich Gerken

Tied	Oortsbörgermeester
-2011	Ulrich Saul
2011-	Reiner Brandt

Religion

Isheim is evangeelsch-luthersch präägt un billt en egen Kaspel mit de Findörp-Kark to dat ok Hönau-Lindörp, Neer-Ochenhusen, Oostendörp un Mehdörp tohöört.

De Findörp-Kark is 1958 boot worrn un hett toeerst to de Karkengemeen von de Liborius-Kark in Bremervöör tohöört. 1965 is de Kark denn Deel von de Karkengemeen von de Auferstehungskark in Bremervöör worrn. 1994 is dat Kaspel sülvstännig worrn.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

En Denkmaal för de Fullenen ut Mehdörp, Neendamm un Isheim ut de twee Weltkrieg’ steiht bi’n Karkhoff in Isheim.

Weertschop un Infrastruktur

Verkehr

Isheim liggt an de Kreisstraat 105, de in’n Süden na Bremervöör löppt un in’n Noordwesten in’n Landkreis Cuxhoben in de Kreisstraat 35 övergeiht, de na Abbenseet löppt. Lüttjere Straten gifft dat ans na Mehdörp, Ottendörp, Oostendörp un na Hollen.

Scholen

In Isheim gifft dat de Grundschool Isheim mit 14 Lehrers un 108 Schölers.

Literatur

• August Bachmann, Elfriede Bachmann: Erdgeschichte, Ur- und Frühgeschichte, Geschichte - Ein Überblick in Iselersheim 1780 - 1980. Bremervöör 1980

Weblenken

Isheim. Mehr Biller, Videos oder Audiodateien to’t Thema gifft dat bi Wikimedia Commons.

• Heimaatvereen Isheim (hoochdüütsch)

Footnoten

Öörd in de Gemeen Bremervöör

Bevern | Bremervöör | Heesdörp | Hönau-Lindörp | Isheim | Mehdörp | Minst | Neer-Ochenhusen | Öölm | Oostendörp | Plönjeshusen | Sprekens