Hollen (Hollnseth)
Wapen/Flagg | Koort | |
---|---|---|
| ||
Basisdaten | ||
Postleettall: | 21769 | |
Vörwahl: | 04773 | |
Geograafsche Laag: | Koordinaten:53° 35′ N, 9° 6′ O53° 35′ N, 9° 6′ O | |
![]() | ||

Hollen (hoochdüütsch Hollen) is en Dörp in de Gemeen Hollnseth, in’n Landkreis Cuxhoben, Neddersassen. Dat Dörp liggt bi de Meh.
Geografie
[ännern | Bornkood ännern]De Naveröörd sünd Nindörp in’n Noorden, Nindörper Moor in’n Noordoosten, Brobargen un Oostendörp in’n Oosten, Isheim in’n Süüdoosten, Abbenseth in’n Süden, Langeln in’n Süüdwesten un Armsdörp in’n Westen.
Historie
[ännern | Bornkood ännern]
Hollen kummt 1004 toeerst in de Oorkunnen vör.
De Hollener Möhl liggt en beten von’n Oord af an’n Möhlenbeek, de na de Meh flütt. De Möhl hett von 1801 bet 1940 Koorn mahlt. Vondaag is de Watermöhl en Museumsmöhl un blangen de Möhl liggt en Gasthoff.
In’n Eersten Weltkrieg sünd 15 Soldaten ut Hollen fullen oder vermisst un in’n Tweten 42[1].
Hollen is an’n 1. Juli 1972 bi de Gemeenreform in Neddersassen mit de Gemeen Abbenseth to de ne’e Gemeen Hollnseth tohoopleggt worrn.
Hollen hett en lütt Heimatmuseum, dat von Michael Schwieger bedreven warrt.
Inwahnertall
[ännern | Bornkood ännern]Johr | Inwahners |
---|---|
[2] | 182434 Füürsteden |
[3] | 1848295 Lüüd, 53 Hüüs |
[4] | 1. Dezember 1910370 |
[5] | 1925407 |
[5] | 1933376 |
[5] | 1939370 |
[6] | 31. Dezember 2009523 |
Religion
[ännern | Bornkood ännern]
Hollen is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
De Karkhoff Hollen liggt an de Oortsstraat.
Börgermeesters
[ännern | Bornkood ännern]Tied | Börgermeester |
---|---|
1933–1938 | Otto Gerkens |
1938– | Christian Peters |
1960–1972 | Georg Müller |
Wapen
[ännern | Bornkood ännern]Dat Wapen wiest op blauen Grund en sülvern Wellenlien mit en gollen Watermöhlenrad dör över un en gollen Barg in’n Schildfoot dor ünner, op den en blau Hünengraff to sehn is.
Dat Möhlenrad un de Wellenlien staht för de Hollener Möhl un den Hollener Möhlenbeek.
Kultur
[ännern | Bornkood ännern]
En Denkmaal för de Fullenen ut de twee Weltkrieg’ steiht bi’n Karkhoff.
Weertschop un Infrastruktur
[ännern | Bornkood ännern]

Hollen hett en egen freewillige Füürwehr.
Verkehr
[ännern | Bornkood ännern]Hollen liggt an de Kreisstraat 32, de in’n Noorden över Nindörp na Loomst löppt. In’n Süden löppt de Straat na Abbenseth. Lüttjere Straten gifft dat ans na Oostendörp, Armsdörp un Nindörper Moor.
Literatur
[ännern | Bornkood ännern]- Michael Schwieger: Hollener Chronik. 2004, ISBN 3-8334-1022-1
Footnoten
[ännern | Bornkood ännern]- ↑ http://www.denkmalprojekt.org/2009/hollnseht-hollen_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ a b c http://www.verwaltungsgeschichte.de/hadeln.html
- ↑ http://boerde-lamstedt.der-norden.de/rathaus/zahlen.html
Weblenken
[ännern | Bornkood ännern]
- Websteed von Michael Schwieger mit Infos över Hollen (hoochdüütsch)