Abbenseet

Vun Wikipedia
(wiederwiest vun Abbenseth)
Zur Navigation springen Zur Suche springen
Wapen/Flagg Koort

Wapen vun Abbenseet

Abbenseet
Laag vun Abbenseet in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Hollnseth
Flach: 9,85 km²
Inwahners: 388 (2009-12-3131. Dezember 2009)
Inwahnerdicht: 39,4 Inwahners pro km²
Postleettall: 21769
Vörwahl: 04773
Geograafsche Laag:
Koordinaten:53° 34′ N, 9° 6′ O
53° 34′ N, 9° 6′ O
AbbenseetArmsdörpHollen (Hollnseth)
Laag von Abbenseet in de Gemeen Hollnseth (Koort lett sik anklicken)

Abbenseet (hoochdüütsch Abbenseth) is en Dörp in de Gemeen Hollnseth, Samtgemeen Börde Loomst, in’n Landkreis Cuxhoben, Neddersassen. Dat Dörp liggt an de Meh.

Geografie[ännern | Bornkood ännern]

Brügg över de Meh bi Abbenseet

De Naveröörd sünd Hollen in’n Noorden, Isheim in’n Oosten, Mehdörp in’n Süden, Alfs in’n Süüdwesten un Langeln in’n Westen.

Historie[ännern | Bornkood ännern]

Wapensteen in Abbenseet

In de Oorkunnen kummt Abbenseet toeerst 1510 vör.

In’n Eersten Weltkrieg sünd 23 Soldaten ut Abbenseet fullen oder vermisst un in’n Tweten 44[1].

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

An’n 1. Juli 1972 sünd de Gemenen Abbenseet un Hollen mit de Gemeenreform in Neddersassen to de ne’e Gemeen Hollnseth tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 20 Füürsteden
1848-00-001848[3] 124 Lüüd. 23 Hüüs
1910-12-011. Dezember 1910[4] 233
1925-00-001925[5] 265
1933-00-001933[5] 304
1939-00-001939[5] 320
2009-12-3131. Dezember 2009[6] 388

Religion[ännern | Bornkood ännern]

Abbenseet is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Abbenseet wiest op sülvern Grund veer swarte Halen (een baven, dree ünnen) un dor twüschen en blaue Wellenlien.

De veer Halen staht för de veer Hööv, ut de de Oort bestahn hett, as he 1510 toeerst in de Oorkunnen nöömt worrn is. De Wellenlien steiht för de Meh.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in’t Dörp.

Weertschop un Infrastruktur[ännern | Bornkood ännern]

Sprüttenhuus in Abbenseet

De Freewillige Füürwehr Abbenseet is an’n 1. Oktober 1924 grünnt worrn.

Verkehr[ännern | Bornkood ännern]

Abbenseet liggt an de Kreisstraat 32, de in’n Noorden över de Hollener Möhl, Hollen un Nindörp na Loomst un an de Bundsstraat 495 ranlöppt. In’n Süden geiht de Straat in de Kreisstraat 35 över, de na Isheim löppt. Lüttjere Straten loopt ans na Langeln un Alfs an de B 495 ran.

Scholen[ännern | Bornkood ännern]

Kinnergoorn un fröhere School

Abbenseet harr fröher en egen Volksschool. In dat Gebüüd is vondaag de Kinnergoorn ünnerbrocht.

Literatur[ännern | Bornkood ännern]

Footnoten[ännern | Bornkood ännern]

  1. http://www.denkmalprojekt.org/2009/abbenseth_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 2: http://books.google.de/books?id=tG0AAAAAcAAJ&pg=PA2
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  4. http://www.gemeindeverzeichnis.de/gem1900/gem1900.htm?hannover/neuhaus.htm
  5. a b c http://www.verwaltungsgeschichte.de/hadeln.html
  6. http://boerde-lamstedt.der-norden.de/rathaus/zahlen.html

Weblenken[ännern | Bornkood ännern]

Commons-logo.svg Abbenseet. Mehr Biller, Videos oder Audiodateien to’t Thema gifft dat bi Wikimedia Commons.