Offens
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 13 m över NN | |
| Postleettall: | 27404 | |
| Vörwahl: | 04281 | |
| Geograafsche Laag: | Koordinaten:53° 19′ N, 9° 18′ O53° 19′ N, 9° 18′ O | |
|
| ||
Offens (hoochdüütsch Offensen) is en Dörp mit üm un bi 160 Inwahners in de Gemeen Heeßel in’n Landkreis Rodenborg, Neddersassen.
Geografie
[ännern | Bornkood ännern]Dat Dörp liggt an’t Noordöver von de Oost op de Zevener Geest. De Oost is in Offens noch en Beek, de so söss bet acht Meter breed is. En beten in’n Süüdwesten von Offens münnt de Meh-Au in de Oost.
De Naveröörd sünd Tzassenholt, Vierenhöben un Meinst in’n Noorden, Heeßel in’n Oosten, Wiersdörp in’n Süüdoosten, Asp in’n Süden, Zeven in’n Süüdwesten, Brauel in’n Westen un Seedörp un Twistenbossel in’n Noordwesten.
Historie
[ännern | Bornkood ännern]Offens kummt an’n 17. März 986 as Uffingstidi toeerst in en Oorkunn von König Otto III. vör, in de he dat Verhältnis twüschen dat Klooster Heeßel un dat Arzbisdom Bremen regelt.[1]
De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is 1857 Deel von de Landgemeen Heeßel worrn.
In’n Eersten Weltkrieg sünd acht Soldaten ut Offens fullen oder vermisst[2].
Inwahnertall
[ännern | Bornkood ännern]| Johr | Inwahners |
|---|---|
| 1824[3] | 3 Füürsteden |
| 1848[4] | 44 Lüüd, 7 Hüüs |
Oortsbeopdragte
[ännern | Bornkood ännern]- opstunns: Dennis Meinders
Religion
[ännern | Bornkood ännern]Offens is evangeelsch-luthersch präägt un höört to dat Kaspel von de Vitus-Kark in Heeßel.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur
[ännern | Bornkood ännern]En Denkmaal för de Fullenen ut den Eersten Weltkrieg steiht in Heeßel op’n Karkhoff.
Verenen
[ännern | Bornkood ännern]De Vereen Dörpgemeenschop Offens hett sik 2002 grünnt.
Weertschop un Infrastruktur
[ännern | Bornkood ännern]Na Süden to, op dat annere Över von de Oost, liggt dat Klärwark Zeven.
Verkehr
[ännern | Bornkood ännern]Offens liggt an de Kreisstraat 130, de in’n Oosten na Heeßel an de Landsstraat 124 löppt. In’n Westen geiht de K 130 na Brauel un dor an de Bundsstraat 71 ran, de in’n Noordwesten na Sürsen un Bremervöör geiht un in’n Süden na Zeven un Rodenborg. Ans gifft dat noch en lüttjere Straat na Meinst. De 80 Meter lange lüttje Heidjer-Brügg in’n Süden över de Oost för Footgängers un Fohrradfohrers is 1984 boot worrn.
De nächste Autobahn is de Autobahn 1. De Opfohrt 48 Elsdörp liggt so 14 Kilometer in’n Süüdoosten von Offens.
De nächsten Bahnhööv sünd so bi 21 Kilometer wied weg in’n Noordwesten de Bahnhoff Heesdörp an de Bahnlien Buxthu–Bremerhoben un 29 Kilometer wied weg in’n Süüdoosten de Bahnhoff Scheeßl an de Bahnlien Bremen–Hamborg.
Footnoten
[ännern | Bornkood ännern]- ↑ http://www.regesta-imperii.de/regesten/2-3-0-otto-iii/nr/0986-03-17_1_0_2_3_0_161_980.html
- ↑ http://www.denkmalprojekt.org/2009/heeslingen_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 460: http://books.google.de/books?id=tG0AAAAAcAAJ&pg=PA460
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
Weblenken
[ännern | Bornkood ännern]- Websteed över dat Dörp (hoochdüütsch)