Asp (Gemeen Zeven)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Asp
Laag vun Asp in Düütschland
Basisdaten
Bundsland: Neddersassen
Landkreis: Rodenborg
Gemeen: Zeven
Inwahners:
Postleettall: 27404
Vörwahl: 04281
Geograafsche Laag:
Koordinaten:53° 17′ N, 9° 18′ O
53° 17′ N, 9° 18′ O

Gelänn von DMK in Asp
Wahnhüüs in Asp
Feller un in’n Achtergrund de Industrie

Asp (hoochdüütsch Aspe) is en Oort in de Gemeen Zeven in’n Landkreis Rodenborg, Neddersassen.

Geografie[ännern | Bornkood ännern]

Bi 700 Meter in’n Süüdwesten von Asp flütt de Meh-Au langs.

De Naveröörd sünd Wiersdörp un Weertzen in’n Noordoosten, Frankenbossel in’n Oosten, Wist un Elsdörp in’n Süüdoosten, Osenhorst in’n Süden, Wehldörp un Brüttendörp un Oostertimk in’n Süüdwesten, Olendörp in’n Westen un Zeven in’n Noordwesten.

Historie[ännern | Bornkood ännern]

Asp is keen olen Oort. Asp is eerst in dat 20. Johrhunnert entstahn. In’n Mai 1939 hett de Wehrmacht en Stück Busch bi Zeven köfft, üm dor en Heeresmunitionsanstalt (Muna) antoleggen. Al 1940 hebbt se dor anfungen, Granaten to produzeren. Üm un bi 90 Bunkers hebbt op dat Gelänn stahn. In de Muna müssen en Barg sowjetsche Kriegsfungene arbeiden, von de veel doodbleven sünd. De Produkschoon güng wieder bet to’n 24. April 1945, as Zeven un Asp von de Briten innahmen worrn sünd. Na’n Krieg sünd de Anlagen glieks unbruukbor maakt worrn. De Bunkers sünd sprengt worrn un de Produkschoonsanlagen hebbt de Briten afboot. Ut de Ünnerkunftsrüüm sünd Wahnrüüm maakt worrn. Deelwies hett aver ok de Bundswehr dat Areaal bruukt un dor twee Mobilmachungsstützpunkte ünnerbröcht. De militäärschen Anlagen sünd in de Johren 1990 all oplööst worrn. Vondaag is op dat Gelänn en Reeg von Industrieünnernehmens ansiedelt.

För de doden Dwangsarbeiders ut de Muna is 1952 in’n Noordwesten von Zeven en Kriegsgräversteed anleggt worrn.

Religion[ännern | Bornkood ännern]

För de Evangeelsch-Lutherschen is de Vitus-Kark in Zeven tostännig un för de Kathoolschen de Christ-König-Kark in Zeven, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

Asp is stark dör Industrie präägt. Ünner annern sitt dor de Ünnernehmens Mapa, LISEGA SE un Düütsch Melkkontor.

Verkehr[ännern | Bornkood ännern]

Dör Asp löppt de Landsstraat 131, de in’n Süüdoosten na Wist, Elsdörp un Scheeßl an de Bundsstraat 75 ran löppt un in’n Noordwesten na Zeven an de Bundsstraat 71, de denn wedder in’n Noorden na Sürsen un Bremervöör geiht un in’n Süüden na Rodenborg. Ans gifft dat en lüttjere Straat na Wiersdörp.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp is so söss Kilometer in’n Süden von Asp.

De nächste Bahnhoff is so bi 20 Kilometer wied weg de Bahnhoff Scheeßl an de Bahnlien Bremen–Hamborg.

Weblenken[ännern | Bornkood ännern]

Commons-logo.svg Asp (Gemeen Zeven). Mehr Biller, Videos oder Audiodateien to’t Thema gifft dat bi Wikimedia Commons.