Wehldörp (Landkreis Rodenborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04286 | |
| Geograafsche Laag: | Koordinaten:53° 14′ N, 9° 17′ O53° 14′ N, 9° 17′ O | |
|
| ||
Wehldörp (hoochdüütsch Wehldorf) is en Dörp in de Gemeen Jeem in’n Landkreis Rodenborg, Neddersassen. To Wehldörp höört ok de lüttje Anbo Wehldörperholt.
Geografie[ännern | Bornkood ännern]
Na Westen to liggt dat Naturschuulrebeed Hemelsmoor un 500 Meter in’n Oosten von Wehldörp flütt de Meh-Au langs.
De Naveröörd sünd Brüttendörp in’n Noorden, Wist un Bahnhoff Elsdörp in’n Noordoosten, Osenhorst un Elsdörp in’n Oosten, Jeem un Heesdörp in’n Süüdoosten, Siek un Bokel in’n Süden, Narbn un Steenfeld in’n Süüdwesten un Oostertimk, Badenst un Brümmerhoff in’n Noordwesten.
Historie[ännern | Bornkood ännern]
In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Jeem in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Von 1965 bet 1974 weer de Gemeen Maat von de Samtgemeen Zeven. De Oort is an’n 1. März 1974 tohoop mit Jeem, Bokel, Heesdörp un Narbn Deel von de Gemeen Jeem worrn.
Inwahnertall[ännern | Bornkood ännern]
| Johr | Inwahners |
|---|---|
| 1812[1] | 46 |
| 1824[2] | 9 Füürsteden |
| 1848[3] | 140 Lüüd, 23 Hüüs |
| 1. Dezember 1910[4] | 214 |
| 1925[5] | 201 |
| 1933[5] | 214 |
| 1939[5] | 213 |
Religion[ännern | Bornkood ännern]
Wehldörp is evangeelsch-luthersch präägt un höört to dat Kaspel von de Margarethenkark in Jeem.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur[ännern | Bornkood ännern]
Verenen[ännern | Bornkood ännern]
Wehldörp hett en egene freewillige Füürwehr. 1920 hebbt sik Lüüd ut Wehldörp, Brüttendörp un Brümmerhoff tohoopdaan un den Schützenvereen Wehldörp-Brüttendörp grünnt. Dat hett aver nich goodgahn un 1921 hebbt de Brüttendörpers un Brümmerhoffers jemehr egen Vereen grünnt. De Schützenvereen Wehldörp hett denn bet 1939 bestahn. In’n Tweten Weltkrieg hett dat Schützenwesen roht un na’n Krieg is de Vereen nich wedder in’e Gang kamen. De mehrsten aktiven Schützen weren von de Tied af an in’n Schützenvereen Jeem mit aktiv.[6]
Weertschop un Infrastruktur[ännern | Bornkood ännern]
De Naam Wehldörp is in de Ümgegend temlich bekannt, vonwegen dat dor de Diskothek Meyers Tanzpalast is.
Verkehr[ännern | Bornkood ännern]
Dör Wehldörp löppt de Bundsstraat 71, de in’n Noorden na Zeven, Sürsen un Bremervöör geiht un in’n Süüdoosten na Rodenborg. Na Jeem in’n Süüdoosten löppt de Kreisstraat 141. Lüttjere Straten gaht ans noch na Elsdörp, Steenfeld un Narbn.
So bi dree Kilometer in’n Süüdoosten löppt de Autobahn 1 an Wehldörp langs. De Opfohrt 49 Bokel is so fiev Kilometer in’n Süden von Wehldörp.
De nächste Bahnhoff is so bi 18 Kilometer wied weg de Bahnhoff Rodenborg an de Bahnlien Bremen–Hamborg.
Scholen[ännern | Bornkood ännern]
De Kinner ut Wehldörp gaht op de Grundschool Elsdörp.
Footnoten[ännern | Bornkood ännern]
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
- ↑ C. H. Jansen: Statistisches Handbuch des Königreichs Hannover. 1824, Sied 642: http://books.google.de/books?id=tG0AAAAAcAAJ&pg=PA642
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html
- ↑ http://www.sv-brüttendorf.de/geschichte/
