Badenst

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Badenst
Laag vun Badenst in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners: 379 (2016-06-3030. Juni 2016)
Hööchd: 24 m över NHN
Postleettall: 27404
Vörwahl: 04281
Geograafsche Laag:
Koordinaten:53° 17′ N, 9° 12′ O
53° 17′ N, 9° 12′ O

Badenst (hoochdüütsch Badenstedt) is en Dörp in de Gemeen Zeven in’n Landkreis Rodenborg, Neddersassen.

De lüttje Oortsdeel Övelgünn höört ok bi dat Dörp mit bi.

Geografie[ännern | Bornkood ännern]

Dör Badenst flütt de Baad dör.

De Naveröörd sünd Baadmöhlen in’n Noorden, Zeven in’n Noordoosten, Olendörp in’n Oosten, Brümmerhoff in’n Süüdoosten, Hemel un Steenfeld in’n Süden, Oostertimk in’n Süüdwesten, Brüttendörp in’n Westen un Oostereis in’n Noordwesten.

Historie[ännern | Bornkood ännern]

Grootsteengraff Badenst

In’n Süüdoosten von Badenst in de Steenahlkenheid liggt dat Grootsteengraff Badenst ut de Jungsteentied. Blangen dat Grootstenngraff gifft dat dor ok noch 74 Hügelgräver.

De Oort hett vör 1885 to de Huusvaagdie Zeven von dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort is an’n 1. März 1974 Deel von de Gemeen Zeven worrn.

Inwahnertall[ännern | Bornkood ännern]

Johr Inwahners
1824-00-001824[1] 14 Füürsteden
1848-00-001848[2] 162 Lüüd. 26 Hüüs
1910-12-011. Dezember 1910[3] 265
1925-00-001925[4] 271
1933-00-001933[4] 272
1939-00-001939[4] 273

Religion[ännern | Bornkood ännern]

Klockentoorn in Badenst

Badenst is evangeelsch-luthersch präägt un höört to dat Kaspel von de Vitus-Kark in Zeven.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

De Karkhoff von Badenst liggt an’n Heidweg.

Kultur[ännern | Bornkood ännern]

Verenen[ännern | Bornkood ännern]

Vereenshuus von’n Bade SC
Vereenshuus von’n Schüttenvereen

Badenst hett en Schüttenvereen. De Sportvereen Bade SC is 1982 grünnt worrn.

Weertschop un Infrastruktur[ännern | Bornkood ännern]

Badenst hett en egene freewillige Füürwehr.

Verkehr[ännern | Bornkood ännern]

Dör Badenst löppt de Landsstraat 133, de in’n Süüdwesten dör Oostertimk, Karktimk un Westertimk na Tarmst löppt. In’n Noordoosten geiht de L 133 na de L 122 un na Zeven un löppt an de Bundsstraat 71 ran, de in’n Noorden na Sürsen un Bremervöör geiht un in’n Süüdoosten na Rodenborg. Na Oostereis in’n Noordwesten löppt de Kreisstraat 137. Ans gifft dat lüttjere Straten na Baadmöhlen un Olendörp.

De nächste Autobahn is de Autobahn 1. De Opfohrt 48 Elsdörp is so 13 Kilometer in’n Süüdoosten.

De nächsten Bahnhööv sünd so bi 27 Kilometer wied weg de Bahnhööv Rodenborg un Scheeßl an de Bahnlien Bremen–Hamborg. Badenst harr fröher ok en lüttjen Bahnhoff an de Bahnlien Wilst–Töst. Dor sünd 1964 toletzt Personentöög föhrt.

Scholen[ännern | Bornkood ännern]

Kita in Badenst

Badenst hett vondaag en Kita. Fröher harr dat Dörp en egen Volksschool, aver nu mööt de Kinner ut Badenst in Zeven na School. De Fördervereen von de Willem-Kaisen-School in Bremen bedrifft in Badenst en Schoollandheim.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 32: http://books.google.de/books?id=tG0AAAAAcAAJ&pg=PA32
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  3. http://www.gemeindeverzeichnis.de/gem1900/gem1900.htm?hannover/zeven.htm
  4. a b c http://www.verwaltungsgeschichte.de/bremervoerde.html

Weblenken[ännern | Bornkood ännern]

Commons-logo.svg Badenst. Mehr Biller, Videos oder Audiodateien to’t Thema gifft dat bi Wikimedia Commons.