Hemel (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hemel
Laag vun Hemel in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners:
Postleettall: 27404
Vörwahl: 04289
Geograafsche Laag:
Koordinaten:53° 15′ N, 9° 13′ O
53° 15′ N, 9° 13′ O

Hemel (hoochdüütsch Hemel) is en lütten Oort in de Gemeen Zeven in’n Landkreis Rodenborg, Neddersassen. De Oort höört polietsch al von öllers bi Brümmerhoff mit bi.

Geografie[ännern | Bornkood ännern]

Hemel liggt in en Rebeed, in dat sik Geest mit Heid un Moor afwesselt. An’n Süüdrand von’n Oort doot de Naturschuulrebeden Hemelsmoor un Bullensee liggen.

De Naveröörd sünd Badenst in’n Noorden, Olendörp in’n Noordoosten, Brümmerhoff, Brüttendörp un Hollenhoff in’n Oosten, Wehldörp mit Wehldörperholt in’n Süüdoosten, Narbn, Winkeldörp un Steenfeld in’n Süden, Bülst in’n Süüdwesten, Westertimk un Karktimk in’n Westen un Oostertimk in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Godenst in’n Kanton Sürsen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Karktimk in’n Kanton Otterbarg.

De Oort hett vör 1885 to de Huusvaagdie Zeven von dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

1929 is de Gemeen Brümmerhoff oplööst un twüschen Olendörp un Oostertimk opdeelt worrn. Hemel keem an Oostertimk, dat egentliche Dörp Brümmerhoff an Olendörp. To’n 1. Oktober 1949 is Brümmerhoff denn aver wedder en egenstännige Gemeen worrn.[1] Dorbi sünd de olen Delen von Brümmerhoff ut de Gemenen Oostertimk un Olendörp wedder tohoopslaten worrn.[1] Ut de Gemeen Oostertimk weren dat in Hemel 32 Lüüd.[1]

De Oort is as Deel von de Gemeen Brümmerhoff an’n 1. März 1974 an de Gemeen Zeven kamen.

Inwahnertall[ännern | Bornkood ännern]

Johr Inwahners
1791-00-001791[2] 1 Füürsteed
1812-00-001812[3] 6
1824-00-001824[4] 1 Füürsteed
1848-00-001848[5] 4 Lüüd. 1 Huus
1871-12-011. Dezember 1871[6] 24 Lüüd. 6 Hüüs
1885-12-011. Dezember 1885[7] 4 Lüüd. 2 Hüüs
1905-12-011. Dezember 1905[8] 29 Lüüd. 6 Hüüs
1949-10-011. Oktober 1949[1] 32

Religion[ännern | Bornkood ännern]

Hemel is evangeelsch-luthersch präägt un höört to dat Kaspel von de Lambertus-Kark in Karktimk.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Hemel liggt an de Landsstraat 132 un de Kreisstraat 110. De L 132 geiht in’n Noordoosten över Brümmerhoff na Brüttendörp an de Bundsstraat 71 mit Ansluss na Zeven un Rodenborg un in’n Süüdwesten över Steenfeld, Vörwark un Otterst na Otterbarg. De K 110 geiht in’n Noordwesten von de L 132 af na Oostertimk an de L 133, de ünner annern wiedergeiht na Tarmst.

De nächste Autobahn is de Autobahn 1. De Opfohrt 49 Bokel liggt so twölv Kilometer in’n Süüdoosten von Hemel.

De nächste Bahnhoff is so bi 19 Kilometer wied weg in’n Süüdwesten de Bahnhoff Otterbarg an de Bahnlien Hamborg–Bremen.

Footnoten[ännern | Bornkood ännern]

  1. a b c d Neues Archiv für Niedersachsen. Band 3, W. Dorn, 1949, Sied 871
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 103
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 266
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 140
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 182
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 194