Olendörp (Zeven)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Olendörp
Laag vun Olendörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners: 343 (2016-06-3030. Juni 2016)
Hööchd: 28 m över NHN
Postleettall: 27404
Vörwahl: 04281
Geograafsche Laag:
Koordinaten:53° 16′ N, 9° 15′ O
53° 16′ N, 9° 15′ O

Olendörp (hoochdüütsch Oldendorf) is en Dörp in de Gemeen Zeven in’n Landkreis Rodenborg, Neddersassen.

Geografie[ännern | Bornkood ännern]

Bi 500 Meter in’n Noordosten von Olendörp flütt de Meh-Au langs. In’n Noordwesten liggt dat Holtrebeed Groot Holt.

De Naveröörd sünd Zeven in’n Noordoosten, Asp in’n Oosten, Wist, Brüttendörp un Wehldörp in’n Süüdoosten, Brümmerhoff in’n Süden, Steenfeld un Oostertimk in’n Süüdwesten, Badenst in’n Westen un Baadmöhlen in’n Noordwesten.

Historie[ännern | Bornkood ännern]

Hünengraff op de Steenahlkenheid

To de öllsten Funnen op dat Rebeed von Olendörp höört dat Hünengraff op de Steenahlkenheid.

In’n Eersten Weltkrieg sünd 17 Soldaten ut Olendörp fullen oder vermisst[1] un in’n Tweten 19.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Zeven von dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

As 1929 de Gemeen Brümmerhoff oplööst worrn is, is dat egentliche Dörp Brümmerhoff mit üm un bi 60 Inwahners an Olendörp fullen un Hemel an Oostertimk. To’n 1. Oktober 1949 is Brümmerhoff denn aver wedder en egenstännige Gemeen worrn un hett dat ole Rebeed mit 66 Inwahners trüggkregen.[2] Von 1965 bet 1974 weer de Gemeen Maat von de Samtgemeen Zeven.

De Oort is mit de Gemeenreform in Neddersassen an’n 1. März 1974 Deel von de Gemeen Zeven worrn.

Inwahnertall[ännern | Bornkood ännern]

Johr Inwahners
1812-00-001812[3] 284
1824-00-001824[4] 18 Füürsteden
1848-00-001848[5] 189 Lüüd. 29 Hüüs
1910-12-011. Dezember 1910[6] 237
1925-00-001925[7] 234
1933-00-001933[7] 305
1939-00-001939[7] 301
1949-10-011. Oktober 1949[2] 313

Religion[ännern | Bornkood ännern]

Olendörp is evangeelsch-luthersch präägt un höört to dat Kaspel von de Vitus-Kark in Zeven.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

Denkmaal för de Fullenen ut de twee Weltkrieg’

En Denkmaal för de Fullenen ut den Eersten Weltkrieg steiht in Zeven bi de Kark. Tosätzlich gifft dat en Denkmaal in Olendörp för de Fullenen ut’n Eersten un Tweten Weltkrieg.

Verenen[ännern | Bornkood ännern]

Vereenshuus von’n Sportvereen Viktoria Olendörp

De Schüttenvereen Olendörp is 1920 grünnt worrn. De Schüttenvereen Olendörp hett denn bet 1939 bestahn. In’n Tweten Weltkrieg hett dat Schüttenwesen roht un na’n Krieg is de Vereen nich wedder in’e Gang kamen. De mehrsten aktiven Schütten weren later in’n Schüttenvereen Brüttendörp mit aktiv.[8] De Sportvereen SV Viktoria Olendörp is 1933 grünnt worrn.

Weertschop un Infrastruktur[ännern | Bornkood ännern]

Olendörp hett en egene freewillige Füürwehr.

Verkehr[ännern | Bornkood ännern]

Dör Olendörp löppt de Kreisstraat 140, de in’n Westen na Badenst an de Landsstraat 133 ran löppt un in’n Oosten na de Bundsstraat 71, de denn wedder in’n Noorden na Zeven, Sürsen un Bremervöör geiht un in’n Süüden na Rodenborg. Ans gifft dat lüttjere Straten na Brümmerhoff un Zeven.

De nächste Autobahn is de Autobahn 1. De Opfohrt 49 Bokel liggt so ölven Kilometer in’n Süden von Olendörp.

De nächste Bahnhoff is so bi 23 Kilometer wied weg de Bahnhoff Rodenborg an de Bahnlien Bremen–Hamborg. Olendörp harr fröher ok en lüttjen Bahnhoff an de Bahnlien Wilst–Töst. Dor sünd 1964 toletzt Personentöög föhrt.

Footnoten[ännern | Bornkood ännern]

  1. Onlineprojekt Gefallenendenkmäler
  2. a b Neues Archiv für Niedersachsen. Band 3, W. Dorn, 1949, Sied 871
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
  4. C. H. Jansen: Statistisches Handbuch des Königreichs Hannover. 1824, Sied 466: http://books.google.de/books?id=tG0AAAAAcAAJ&pg=PA466
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  6. http://www.gemeindeverzeichnis.de/gem1900/gem1900.htm?hannover/zeven.htm
  7. a b c http://www.verwaltungsgeschichte.de/bremervoerde.html
  8. http://www.sv-brüttendorf.de/geschichte/

Weblenken[ännern | Bornkood ännern]

Commons-logo.svg Olendörp (Zeven). Mehr Biller, Videos oder Audiodateien to’t Thema gifft dat bi Wikimedia Commons.