Hoffkoh

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Hoffkoh
Laag vun Hoffkoh in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners:
Postleettall: 27404
Vörwahl: 04281
Geograafsche Laag:
Koordinaten:53° 16′ N, 9° 18′ O
53° 16′ N, 9° 18′ O

Steen in Hoffkoh

Hoffkoh (hoochdüütsch Hofkoh) is en lütten Oort in de Gemeen Zeven (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers bi Wist mit bi.

Geografie[ännern | Bornkood ännern]

De Oort liggt op de Zevener Geest. Dat Water ut dat Rebeed flütt in’n Westen na de Meh-Au hen af, in’n Oosten över den Osenhorster Beek ok na de Meh-Au.

De Naveröörd sünd Asp in’n Noorden, Wiersdörp un Frankenbossel in’n Noordoosten, Wist, Bahnhoff Elsdörp un Elsdörp in’n Süüdoosten, Osenhorst in’n Süden, Wehldörp in’n Süüdwesten, Brüttendörp in’n Westen un Zeven in’n Noordwesten.

Historie[ännern | Bornkood ännern]

De Hoff is 1834 anleggt worrn. De Hüüs in de grote Hörn sünd eerst na’n Tweten Weltkrieg von Verdrevene boot worrn. Disse Grundstück sünd all 1250 m² groot.[1]

Verwaltungsgeschicht[ännern | Bornkood ännern]

De Oort hett vör 1885 to dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort is an’n 1. März 1974 as Deel von de Gemeen Wist mit de Gemeenreform in Neddersassen an de Gemeen Zeven kamen.

Religion[ännern | Bornkood ännern]

Hoffkoh is evangeelsch-luthersch präägt un höört to dat Kaspel von de Allerhilligen-Kark in Elsdörp.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Hoffkoh langs löppt de Landsstraat 131, de in’n Noordwesten na Zeven un dor an de Bundsstraat 71 ran geiht un in’n Süüdoosten över Elsdörp na Scheeßl an de Bundsstraat 75.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so fiev Kilometer in’n Süüdoosten von Hoffkoh an de L 131.

De nächste Bahnhoff is so bi 19 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Zeven dree Kilometer in’n Noordwesten. Personenverkehr hett dat dor von 1906 bet 1968 geven.

Scholen[ännern | Bornkood ännern]

De Kinner ut’n Oort gaht op de Grundschool Elsdörp.

Literatur[ännern | Bornkood ännern]

  • Dorfchronik von Wistedt: mit seinen Ortsteilen Hofkoh, Osenhorst und Bahnhof Elsdorf im Wandel der Zeit. 2013

Footnoten[ännern | Bornkood ännern]

  1. http://hofkoh.de/?page_id=25