Wiersdörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wiersdörp

Wiersdörp
Laag vun Wiersdörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Heeßel
Inwahners:
Postleettall: 27404
Vörwahl: 04281
Geograafsche Laag:
Koordinaten:53° 18′ N, 9° 20′ O
53° 18′ N, 9° 20′ O

Wiersdörp (hoochdüütsch Wiersdorf) is en Dörp in de Gemeen Heeßel in’n Landkreis Rodenborg, Neddersassen. To Wiersdörp höört ok de Hööv von Adiek un Ahoff mit to.

Geografie[ännern | Bornkood ännern]

So bi 1500 Meter in’n Noorden von Wiersdörp bi Heeßel flütt de Oost langs.

De Naveröörd sünd Heeßel in’n Noorden, Oosterheeßel in’n Noordoosten, Adiek, Ahoff, Wiertzen un Freyersen in’n Oosten, Rüspel un Frankenbossel in’n Süüdoosten, Wist in’n Süden, Asp in’n Süüdwesten, Zeven in’n Westen un Brauel un Offens in’n Noordwesten.

Historie[ännern | Bornkood ännern]

Wiersdörp kummt an’n 17. März 986 as Uidgeresthorp toeerst in en Oorkunn von König Otto III. vör, in de he dat Verhältnis twüschen dat Klooster Heeßel un dat Arzbisdom Bremen regelt.[1]

In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort is an’n 1. März 1974 Deel von de Gemeen Heeßel worrn.

In’n Eersten Weltkrieg sünd ölven Soldaten ut Wiersdörp fullen oder vermisst un in’n Tweten 18[2].

Inwahnertall[ännern | Bornkood ännern]

Johr Inwahners
1824-00-001824[3] 10 Füürsteden
1848-00-001848[4] 89 Lüüd. 16 Hüüs
1910-12-011. Dezember 1910[5] 157
1925-00-001925[6] 187
1933-00-001933[6] 176
1939-00-001939[6] 179

Religion[ännern | Bornkood ännern]

Wiersdörp is evangeelsch-luthersch präägt un höört to dat Kaspel von de Vitus-Kark in Heeßel.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

En Denkmaal för de Fullenen ut de beiden Weltkrieg’ steiht in Heeßel op’n Karkhoff.

Verenen[ännern | Bornkood ännern]

Wiersdörp hett en egene freewillige Füürwehr.

Weertschop un Infrastruktur[ännern | Bornkood ännern]

Wiersdörp hett en Kita, de 1972 grünnt worrn is.

Verkehr[ännern | Bornkood ännern]

Dör Wiersdörp löppt de Landsstraat 142, de in’n Oosten na Wiertzen un Zittens löppt un in’n Westen över de L 124 na Zeven an de Bundsstraat 71 ran, de denn wedder in’n Noorden na Sürsen un Bremervöör geiht un in’n Süüden na Rodenborg. In’n Noorden geiht de Kreisstraat 110 na Heeßel. Ans gifft dat en lüttjere Straat na Asp.

De nächste Autobahn is de Autobahn 1. De Opfohrt 48 Elsdörp liggt so negen Kilometer in’n Süden von Wiersdörp.

De nächste Bahnhoff is so bi 23 Kilometer wied weg de Bahnhoff Scheeßl an de Bahnlien Bremen–Hamborg.

Footnoten[ännern | Bornkood ännern]

  1. http://www.regesta-imperii.de/regesten/2-3-0-otto-iii/nr/0986-03-17_1_0_2_3_0_161_980.html
  2. http://www.denkmalprojekt.org/2009/heeslingen_wk1u2_ns.htm
  3. C. H. Jansen: Statistisches Handbuch des Königreichs Hannover. 1824, Sied 666: http://books.google.de/books?id=tG0AAAAAcAAJ&pg=PA666
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  5. http://www.gemeindeverzeichnis.de/gem1900/gem1900.htm?hannover/zeven.htm
  6. a b c http://www.verwaltungsgeschichte.de/bremervoerde.html