Rüspel
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 5,33 km² | |
| Inwahners: | ||
| Postleettall: | 27404 | |
| Vörwahl: | 04282 | |
| Geograafsche Laag: | Koordinaten:53° 16′ N, 9° 24′ O53° 16′ N, 9° 24′ O | |
|
| ||
Rüspel (hoochdüütsch Rüspel) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen.
Geografie
[ännern | Bornkood ännern]So bi twee Kilometer in’n Oosten von Rüspel flütt de Oost langs. In’n Oosten liggt ok dat Naturschuulrebeed Magerweid süüdoosten von Volkensen.
De Naveröörd sünd Freyersen un Weertzen in’n Noorden, Hanraad, Kohmöhlen un Groot Meckels in’n Noordoosten, Volkens un Nindörp in’n Oosten, Alpershusen in’n Süüdoosten, Hatz in’n Süden, Ehsdörp, Elsdörp un Poitzendörp in’n Süüdwesten un Frankenbossel in’n Westen.
Historie
[ännern | Bornkood ännern]1979 un 1995 hett Rüspel Goldplaketten wunnen bi Uns Dörp schall schöner warrn.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Gemeen weer Maat von de Samtgemeen Elsdörp un is an’n 1. März 1974 mit de Gemeenreform in Neddersassen an de Gemeen Elsdörp kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 12 Füürsteden |
| 1824[2] | 10 Füürsteden |
| 1848[3] | 107 Lüüd, 21 Hüüs |
| 1. Dezember 1871[4] | 129 Lüüd, 24 Hüüs |
Religion
[ännern | Bornkood ännern]Rüspel is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur
[ännern | Bornkood ännern]Verenen
[ännern | Bornkood ännern]Rüspel hett en Schüttenvereen tohoop mit Volkensen. De Schüttenvereen is an’n 6. Februar 1921 grünnt worrn.
Weertschop un Infrastruktur
[ännern | Bornkood ännern]Rüspel hett en egene freewillige Füürwehr.
Verkehr
[ännern | Bornkood ännern]Dör Rüspel löppt de Kreisstraat 130, de in’n Noorden över Freyersen na Weertzen an de Landsstraat 142 ran geiht un in’n Süüdwesten över Poitzendörp in Elsdörp an de L 131. Von de K 130 geiht na Noordwesten de K 132 af, de över Frankenbossel na Zeven geiht.
De nächste Autobahn is de Autobahn 1. De Opfohrt 48 Elsdörp liggt so bi söss Kilometer in’n Süüdwesten von Rüspel.
De nächste Bahnhoff is so bi 19 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp söss Kilometer in’n Süüdwesten. Personenverkehr hett dat dor von 1906 bet 1968 geven.
Scholen
[ännern | Bornkood ännern]Fröher harr Rüspel en egen Volksschool. Vondaag gaht de Kinner op de Grundschool Elsdörp.
Lüüd
[ännern | Bornkood ännern]De Heimatforscher Georg Brinke weer von 1908 bet na’n Tweten Weltkrieg Schoolmeester an de Dörpschool un is 1970 in Rüspel doodbleven. De Ünnernehmer Gustav Viebrock is hier boren.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 197: https://books.google.de/books?id=jN5QAAAAcAAJ&pg=PA197
- ↑ C. H. Jansen: Statistisches Handbuch des Königreichs Hannover. 1824, Sied 522: http://books.google.de/books?id=tG0AAAAAcAAJ&pg=PA522
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
Weblenken
[ännern | Bornkood ännern]
Badenhorst | Bockhorst | Borg Elsdörp | Borgwall | Ehsdörp | Elsdörp | Frankenbossel | Hatz | Nindörp | Poitzendörp | Rüspel | Volkens