Ehsdörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Ehsdörp
Laag vun Ehsdörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Elsdörp
Inwahners:
Postleettall: 27404
Vörwahl: 04286
Geograafsche Laag:
Koordinaten:53° 15′ N, 9° 23′ O
53° 15′ N, 9° 23′ O

Ehsdörp (hoochdüütsch Ehestorf) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen.

Geografie[ännern | Bornkood ännern]

In’n Noorden hett de Heisbeek sien Born, de in de Oost münnt, un in’n Süden de Bargelbeek, de in’n Buschhorstbeek münnt un de wedder in de Au-Meh. Na Süüdoosten flütt de Siebeek, de in’n Alpershusener Möhlenbeek münnt.

De Naveröörd sünd Rüspel un Nindörp in’n Noordoosten, Hatz un Alpershusen in’n Oosten, Sootel, Olenhöben un Wittkopsbossel in’n Süüdoosten, Bockhorst un Abbendörp in’n Süden, Badenhorst in’n Süüdwesten, Elsdörp in’n Westen un Poitzendörp un Frankenbossel in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

1929 is Ehsdörp Deel von de Gemeen Hatz worrn. To’n 1. Oktober 1949 is de Oort denn aver en egenstännige Gemeen worrn.[1]

Vör 1974 weer de Gemeen Ehsdörp Maat von de Samtgemeen Elsdörp. De Gemeen un de Samtgemeen sünd an’n 1. März 1974 mit de Gemeenreform in Neddersassen oplööst un Deel von de Gemeen Elsdörp in de Samtgemeen Zeven worrn.

Inwahnertall[ännern | Bornkood ännern]

Johr Inwahners
1793-00-001793[2] 14 Füürsteden
1824-00-001824[3] 12 Füürsteden
1848-00-001848[4] 118 Lüüd. 18 Hüüs
1871-12-011. Dezember 1871[5] 110 Lüüd. 19 Hüüs
1910-12-011. Dezember 1910[6] 106
1949-10-011. Oktober 1949[1] 225

Religion[ännern | Bornkood ännern]

Ehsdörp is evangeelsch-luthersch präägt un höört to dat Kaspel von de Allerhilligen-Kark in Elsdörp.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

Verenen[ännern | Bornkood ännern]

Ehsdörp hett en Schüttenvereen tohoop mit Hatz, de an’n 23. August 1919 grünnt worrn is.

Weertschop un Infrastruktur[ännern | Bornkood ännern]

Ehsdörp hett tohoop mit Hatz en egene freewillige Füürwehr.

Verkehr[ännern | Bornkood ännern]

Dör Ehsdörp löppt de Kreisstraat 142, de in’n Westen in Elsdörp an de K 126 un de Landsstraat 131 ran geiht un in’n Oosten na Homersen an de L 130. De L 131 geiht wieder na Zeven un Scheeßl un de L 130 na Zittens.

De nächste Autobahn is de Autobahn 1. De Opfohrt 48 Elsdörp liggt so bi dree Kilometer in’n Süüdwesten von Ehsdörp.

De nächste Bahnhoff is so bi 18 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp veer Kilometer in’n Westen. Personenverkehr hett dat dor von 1906 bet 1968 geven.

Scholen[ännern | Bornkood ännern]

De Kinner ut Ehsdörp gaht op de Grundschool Elsdörp.

Footnoten[ännern | Bornkood ännern]

  1. a b Neues Archiv für Niedersachsen. Band 3, W. Dorn, 1949, Sied 871
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 64: https://books.google.de/books?id=jN5QAAAAcAAJ&pg=RA1-PA64
  3. C. H. Jansen: Statistisches Handbuch des Königreichs Hannover. 1824, Sied 156: http://books.google.de/books?id=tG0AAAAAcAAJ&pg=RA1-PA156
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
  6. http://www.gemeindeverzeichnis.de/gem1900/gem1900.htm?hannover/zeven.htm

Weblenken[ännern | Bornkood ännern]