Alpershusener Möhlenbeek

Vun Wikipedia
Zur Navigation springen Zur Suche springen
Alpershusener Möhlenbeek
Laag Neddersassen
Stroomsystem Elv
Läng 9,4 km
Born bi Zittens
Münn bi Alpershusen in de Oost
Afströömrebeed 38,81[1] km²
Waterkenntall DE: 59814
linke Blangenströöm Sooteler Beek, Siebeek
schippbor -

De Alpershusener Möhlenbeek is en 9,4 Kilometer langen[2] Beek, de in de Oost münnt.

De Alpershusener Möhlenbeek hett sien Born in’n Süden von Zittens. Von dor flütt he na Süüdwesten. Op dat rechte Över liggt Homersen un op dat linke de lüttjen Öörd Appel, Hanschhorst un Drögenholt. Bi Sootel maakt de Beek en Bagen un dreiht op Noordwesten. Dor münnt de Sooteler Beek in’n Möhlenbeek. Kort vör de Münn von’n Alpershusener Möhlenbeek in de Oost bi Alpershusen nimmt he vörher noch von links den Siebeek op.

Dat Water in de Oost flütt denn wieder in de Elv un in de Noordsee.

2012 sünd twee Sahlstuften in’n Alpershusener Möhlenbeek von’n Ünnerholungsverband Bövere Oost för 69.000 Euro ümboot worrn to Sahlrampen, üm den Beek wedder naturneger to gestalten un dat Fisch dor hoogwannern köönt.[3]

Toströöm[ännern | Bornkood ännern]

De Siebeek hett sien Born bi Ehsdörp un Hatz. De Autobahn 1 geiht dor al en lütt Enn later över den Beek röver. De Siebeek flütt na Noordoosten un münnt bi Alpershusen in’n Alpershusener Möhlenbeek.

De Sooteler Beek spiest sik ut Dunghorstgraven un Brügggraven, de in’n Süüdoosten von Sootel tohoopfleten doot. De beiden Gravens nehmt dat Water ut dat Rebeed üm Olenhöben un Helsch op. De Sooteler Beek flütt von dor na Noorden, an’n Oostrand von Sootel langs un münnt in’n Noorden von Sootel in’n Alpershusener Möhlenbeek.

Footnoten[ännern | Bornkood ännern]

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012
  3. http://uhv-obere-oste.de/index.php?option=com_content&view=article&id=8&Itemid=10


Koordinaten:53° 15′ N, 9° 26′ O