Hanschhorst

Vun Wikipedia
Wapen/Flagg Koort
hett keen Wapen
Hanschhorst
Laag vun Hanschhorst in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Homersen
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 15′ N, 9° 30′ O
53° 15′ N, 9° 30′ O

Karte

Hanschhorst (hoochdüütsch Hanschhorst) is en lütten Oort in de Gemeen Homersen (Samtgemeen Zittens) in’n Landkreis Rodenborg, Neddersassen. De Oort höört polietsch al von öllers bi Homersen mit bi.

Geografie[ännern | Bornkood ännern]

Dicht bi Hanschhorst flütt de Alpershusener Möhlenbeek langs. Na Oosten to liggt dat Ekelmoor.

De Naveröörd sünd Kön’hoff un Zittens in’n Noorden, Borgzittens in’n Noordoosten, Appel un Stemmen in’n Süüdoosten, Helsch in’n Süden, Sootel in’n Süüdwesten un Alpershusen un Homersen in’n Noordwesten.

Historie[ännern | Bornkood ännern]

In’n Eersten Weltkrieg is een Soldaat ut Hanschhorst fullen oder vermisst.[1]

Na en Gewidder an’n 1. August 1992 is op en Hoff in Hanschorst en Füür utbraken.[2]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

Inwahnertall[ännern | Bornkood ännern]

Johr Inwahners
1793-00-001793[3] 1 Füürsteed
1824-00-001824[4] 1 Füürsteed
1848-00-001848[5] 50 Lüüd, 5 Hüüs
1871-12-011. Dezember 1871[6] 17 Lüüd, 4 Hüüs

Religion[ännern | Bornkood ännern]

Hanschhorst is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Zittens vör de Kark.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Hanschhorst liggt an en Blangenstraat von de Landsstraat 130, de in’n Noordoosten na Homersen un Zittens geiht un in’n Süden över Helsch na Scheeßl an de Bundsstraat 75.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so söss Kilometer in’n Noorden von Hanschhorst.

De nächsten Bahnhööv sünd so bi teihn Kilometer wied weg in’n Süden/Süüdoosten de Bahnhoff Scheeßl un de Bahnhoff Lauenbrüch an de Bahnlien Hamborg–Bremen. Fröher hett dat in de Neegd ok en Bahnhoff an de Bahnlien Wilst–Töst geven. Dat weer de Bahnhoff Zittens fiev Kilometer in’n Noorden. Dor hett dat von 1917 bet 1971 Personenverkehr geven.

Footnoten[ännern | Bornkood ännern]

  1. http://www.denkmalprojekt.org/dkm_deutschland/sittensen.htm
  2. http://www.feuerwehr-sittensen.de/index.php/geschichte?showall=1&limitstart=
  3. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 95: https://books.google.de/books?id=jN5QAAAAcAAJ&pg=RA1-PA95
  4. C. H. Jansen: Statistisches Handbuch des Königreichs Hannover. 1824, Sied 242: http://books.google.de/books?id=tG0AAAAAcAAJ&pg=PA242
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170