Borgwall (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Borgwall
Laag vun Borgwall in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Elsdörp
Inwahners:
Postleettall: 27404
Vörwahl: 04286
Geograafsche Laag:
Koordinaten:53° 14′ N, 9° 20′ O
53° 14′ N, 9° 20′ O

Borgwall (hoochdüütsch Burgwall) is en lütten Oort in de Gemeen Elsdörp (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers bi Borg Elsdörp mit bi, wat en Deel von Elsdörp is.

Geografie[ännern | Bornkood ännern]

Bi Borgwall münnt de Buschhorstbeek in de Au-Meh.

De Naveröörd sünd Hoffkoh, Wist un Bahnhoff Elsdörp in’n Noorden, Borg Elsdörp un Elsdörp in’n Noordoosten, Bockhorst in’n Oosten, Abbendörp in’n Süüdoosten, Heesdörp in’n Süden, Jeem in’n Süüdwesten un Wehldörp un Osenhorst in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

In dat 19. Johrhunnert hebbt Borgwall un Borg Elsdörp noch mit Osenhorst en Gemeenverband billt, later is Osenhorst denn aver an Wist gahn un Borgwall un Borg Elsdörp an Elsdörp.

De Oort is an’n 1. März 1974 as Deel von de Gemeen Elsdörp mit de Gemeenreform in Neddersassen an de ne’e, gröttere Gemeen Elsdörp kamen.

Inwahnertall[ännern | Bornkood ännern]

Johr Inwahners
1848-00-001848[1] 7 Lüüd. 1 Huus
1871-12-011. Dezember 1871[2] 5 Lüüd. 1 Huus

Religion[ännern | Bornkood ännern]

Borgwall is evangeelsch-luthersch präägt un höört to dat Kaspel von de Allerhilligen-Kark in Elsdörp.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Borgwall langs löppt de Kreisstraat 126, de in’n Noordoosten na Elsdörp, an de Landsstraat 131 ran un na Zittens to geiht un in’n Süüdwesten na Jeem un an de Bundsstraat 71. De L 131 löppt in’n Süüdoosten na Scheeßl. De B 71 löppt in’n Noorden na Zeven un von dor wieder över Sürsen na Bremervöör un in’n Süüdoosten na Rodenborg.

De nächste Autobahn is de Autobahn 1, de direkt an’n Hoff langsföhrt. De Opfohrt 48 Elsdörp liggt so een Kilometer in’n Noordoosten von Borgwall.

De nächste Bahnhoff is so bi 15 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok Bahnhööv an de Bahnlien Bremervöör–Wasra geven. Dat weren de Bahnhoff Jeem dree Kilometer in’n Süden un de Bahnhoff Elsdörp dree Kilometer in’n Noorden. Personenverkehr hett dat dor von 1906 bet 1968 geven.

Scholen[ännern | Bornkood ännern]

De Kinner ut Borgwall gaht op de Grundschool Elsdörp.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170