Nindörp (Elsdörp)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Nindörp
Laag vun Nindörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Elsdörp
Inwahners:
Postleettall: 27404
Vörwahl: 04282
Geograafsche Laag:
Koordinaten:53° 16′ N, 9° 25′ O
53° 16′ N, 9° 25′ O

Nindörp (hoochdüütsch Nindorf) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers mit Volkens tohoop.

Geografie[ännern | Bornkood ännern]

En beten mehr as een Kilometer in’n Oosten von Nindörp flütt de Oost langs. In’n Oosten liggt ok dat Naturschuulrebeed Magerweid süüdoosten Volkens.

De Naveröörd sünd Volkens un Groot Meckels in’n Noordoosten, Alpershusen, Homersen un Sootel in’n Süüdoosten, Hatz, Ehsdörp, Elsdörp un Poitzendörp in’n Süden, Rüspel un Frankenbossel in’n Westen un Freyersen un Weertzen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

De Oort is an’n 1. März 1974 as Deel von de Gemeen Volkens mit de Gemeenreform in Neddersassen an de Gemeen Elsdörp kamen.

Inwahnertall[ännern | Bornkood ännern]

Johr Inwahners
1793-00-001793[1] 4 Füürsteden
1824-00-001824[2] 3 Füürsteden
1848-00-001848[3] 37 Lüüd. 6 Hüüs
1871-12-011. Dezember 1871[4] 42 Lüüd. 8 Hüüs

Religion[ännern | Bornkood ännern]

Nindörp is evangeelsch-luthersch präägt un höört to dat Kaspel von de Allerhilligen-Kark in Elsdörp.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Kultur[ännern | Bornkood ännern]

Verenen[ännern | Bornkood ännern]

In’n Schüttensport doot de Lüüd ut Nindörp in’n Schüttenvereen Rüspel-Volkens mit. De Schüttenvereen is an’n 6. Februar 1921 grünnt worrn.

Weertschop un Infrastruktur[ännern | Bornkood ännern]

För Nindörp is de freewillige Füürwehr Volkens mit tostännig.

Verkehr[ännern | Bornkood ännern]

Dör Nindörp löppt de Kreisstraat 126, de in’n Noordoosten över Volkens na Groot Meckels an de Landsstraat 142 ran geiht un in’n Süüdwesten över Poitzendörp in Elsdörp an de L 131. Över de L 142 besteiht Ansluss na Zittens un över de L 131 na Zeven un Scheeßl.

De nächste Autobahn is de Autobahn 1. De Opfohrt 48 Elsdörp liggt so bi söss Kilometer in’n Süüdwesten von Nindörp.

De nächste Bahnhoff is so bi 19 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp söven Kilometer in’n Süüdwesten. Personenverkehr hett dat dor von 1906 bet 1968 geven.

Scholen[ännern | Bornkood ännern]

Fröher sünd de Kinner ut Nindörp na de Volksschool in Rüspel gahn. Vondaag gaht se op de Grundschool Elsdörp.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 168: https://books.google.de/books?id=jN5QAAAAcAAJ&pg=PA168
  2. C. H. Jansen: Statistisches Handbuch des Königreichs Hannover. 1824, Sied 444: http://books.google.de/books?id=tG0AAAAAcAAJ&pg=PA444
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172

Weblenken[ännern | Bornkood ännern]