Wittkopsbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 515 (30. September 2009) | |
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 12′ N, 9° 25′ O53° 12′ N, 9° 25′ O | |
|
| ||
Wittkopsbossel (hoochdüütsch Wittkopsbostel) is en Dörp in de Gemeen Scheeßl in’n Landkreis Rodenborg, Neddersassen. Binnen de Gemeen billt de Oort de polietsche Oortschop Wittkopsbossel.
To Wittkopsbossel höört von öllers ok de Oort Olenhöben mit to.
Geografie[ännern | Bornkood ännern]
Dat Water ut dat Rebeed flütt över Gravens un lüttjere Beken na de Meh-Au un den Alpershusener Möhlenbeek hen af.
De Naveröörd sünd Alpershusen un Sootel in’n Noordoosten, Olenhöben un Helsch in’n Oosten, Wenkeloh un Westeresch in’n Süüdoosten, Westerholt in’n Süden, Hetzweeg in’n Süüdwesten, Abbendörp un Heesdörp in’n Westen un Bockhorst, Badenhorst, Ehsdörp un Hatz in’n Noordwesten.
Historie[ännern | Bornkood ännern]
Wittkopsbossel kummt 1320 as Nortbostolt toeerst in en Göderlist von de Kark in Veern vör.
In’n Eersten Weltkrieg sünd ölven Soldaten ut Wittkopsbossel fullen oder vermisst un in’n Tweten Weltkrieg 16.[1]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Heeßel in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer bet in dat fröhe 19. Johrhunnert opdeelt twüschen dat Amt Rodenborg un dat Amt Zeven. 1791 hebbt twee Hüüs to dat Amt Rodenborg tellt un dree to dat Amt Zeven. Later weer denn aver de kumplette Oort Deel von de Amtsvaagdie Scheeßl in dat Amt Rodenborg. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.
De Oort hett fröher tohoop mit Hetzweeg, Jeersdörp, Olenhöben un Westeresch de Buurschop Westeresch billt, is aver in dat 19. Johrhunnert tohoop mit Olenhöben en egen Gemeen worrn, de later denn von 1964 bet 1974 Maat von de Samtgemeen Scheeßl weer. Mit de Gemeenreform in Neddersassen an’n 1. März 1974 is de Oort Deel von de Gemeen Scheeßl worrn is. Sietdem billt de Oort en Oortschop mit egen Oortsraad un Oortsbörgermeester.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 5 Füürsteden |
| 1824[3] | 9 Füürsteden |
| 1848[4] | 103 Lüüd, 16 Hüüs |
| 1. Dezember 1871[5] | 103 Lüüd, 15 Hüüs |
| 1. Dezember 1885[6] | 100 Lüüd, 29 Hüüs |
| 1. Dezember 1905[7] | 133 Lüüd, 20 Hüüs |
| 1. Dezember 1910[8] | 206 |
| 1925[9] | 202 |
| 1933[9] | 197 |
| 1939[9] | 189 |
Religion[ännern | Bornkood ännern]
Wittkopsbossel is evangeelsch-luthersch präägt un höört to dat Kaspel von de Lucas-Kark in Scheeßl. En Deel von de Hüüs hett bet in dat fröhe 19. Johrhunnert to dat Kaspel von de Allerhilligen-Kark in Elsdörp höört.
För de Kathoolschen is de Corpus-Christi-Kark in Rodenborg tostännig.
Oortsraad[ännern | Bornkood ännern]
| Johr \ Partei | Tall | WG |
|---|---|---|
| 2011 | 7 | 7 |
| 2016 | 7 | 7 |
- Liddmaten
- 2011:
- WG: Ralf Bade, Eckhard Frick, Dirk Lange, Karlheinz Meibohm, Sascha Oster, Kay-Uwe Rogge, Jürgen Witt
- 2016:
- WG: Ralf Bade, Claudia Detjen, Eckhard Frick, Dirk Lange, Karlheinz Meibohm, Jens Willenbrock, Jürgen Witt
Oortsbörgermeesters[ännern | Bornkood ännern]
| Tied | Naam | Partei |
|---|---|---|
| 2006– | Dirk Lange | WG |
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Wittkopsbossel an de Hauptstraat.
Verenen[ännern | Bornkood ännern]
De Schüttenvereen Wittkopsbossel is 1919 grünnt worrn un de Heimatvereen 2005. Ok en Sportclub besteiht.
Weertschop un Infrastruktur[ännern | Bornkood ännern]
Wittkopsbossel hett en egene freewillige Füürwehr, de 1934 grünnt worrn is.
Verkehr[ännern | Bornkood ännern]
Dör Wittkopsbossel löppt de Kreisstraat 219, de in’n Noordoosten över Sootel na Homersen an de Landsstraat 130 ran geiht un in’n Süden över Hetzweeg an de L 131 un wieder na Westerholt un Rodenborg. De L 131 löppt in’n Noordwesten över Abbendörp na Elsdörp un Zeven un in’n Süüdoosten na Scheeßl an de Bundsstraat 75.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so acht Kilometer in’n Noordwesten von Wittkopsbossel an de L 131.
De nächste Bahnhoff is so bi söven Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.
Scholen[ännern | Bornkood ännern]
De Kinner ut Wittkopsbossel gaht na de Grundschool Scheeßl. Ganz fröher güngen de Kinner na de Volksschool in Hetzweeg, later harr dat Dörp aver ok sien egen Volksschool.
Footnoten[ännern | Bornkood ännern]
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 254
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 674
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de