Georg Brinke

Vun Wikipedia
Zur Navigation springen Zur Suche springen

Georg Brinke (* 2. Juli 1887; † 31. August 1970 in Rüspel) weer en düütschen Schoolmeester un Heimatforscher.

Brinke is 1887 as Söhn von en Förster in Oberschlesien boren. Sien Vader is later na Wiegersen versett worrn un dor hett Brinke denn sien Kinnertied tobröcht. Brinke weer op de Präparandenanstalt in Deefholt un denn bet 1908 op dat Lehrerseminar Beers. Von dor is he as Schoolmeester an de Volksschool in dat Dörp Rüspel op de Zevener Geest wesselt. He weer as Schoolmeester för de dree Dörper Rüspel, Volkens un Nindörp tostännig. Brinke is bet to sien Rohstand in Rüspel bleven.

As Heimatforscher hett he ünner annern för de Deutsche Warte, de Sünndagsbilaag von de Zevener Zeitung un De Sood schreven. Privaat hett Brinke en Bibliotheek von mehr as 20.000 Böker tohoopsammelt.

An’n 12. April 1912 hett Brinke Alwine von Husen ut Hornborg freet. De beiden harrn veer Kinner.

In Rüspel is vondaag de Georg-Brinke-Weg na em nöömt.