Wiegersen

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Wiegersen
Laag vun Wiegersen in Düütschland
Basisdaten
Bundsland: Neddersassen
Landkreis: Stood
Samtgemeen: Obbens
Gemeen: Sounsiek
Flach: 10,20 km²
Inwahners:
Hööchd: 39 m över NN
Postleettall: 21644
Vörwahl: 04169
Geograafsche Laag:
Koordinaten:53° 23′ N, 9° 33′ O
53° 23′ N, 9° 33′ O

Buurnhuus in Wiegersen

Wiegersen is en Dörp in de Gemeen Sounsiek in’n Landkreis Stood, Neddersassen. Wiegersen hett üm un bi 600 Inwahners (Stand 2003) op en Rebeet vun 1.020 Hektar.

Geografie[ännern | Bornkood ännern]

Dat Dörp is op dree Sieden inrahmt vun den Wiegerser Forst, de meist 650 Hektar groot is. Dor flütt ok de Ramm dör, de later in de Oost münnt. De Forst is en Biotop, wo ok rore Oorden so as Lebberblomen, Sünndau un Krüüzadder to finnen sünd.

De Naveröörd sünd Remnoh un Kommerbusch in’n Noorden, Beekdörp in’n Noordoosten, Sounsiek in’n Oosten, Bredenhoorn, Löh un Bockhorst in’n Süüdoosten, Woonst in’n Süden, Ohrenswohl un Ohrensmoor in’n Westen un Ohrensmoor-Noord mit Depenrehmen in’n Noordwesten.

Historie[ännern | Bornkood ännern]

Wiegersen harr fröher en Riddergood, dat Good Wiegersen. Dor steiht de Muur ut Backsteen noch vun, de 2003 wedder nee maakt is. Hüüt is in dat Gootshuus en Joga-Zentrum.

Verwaltungsgeschicht[ännern | Bornkood ännern]

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 193 Lüüd. 28 Hüüs
1910-12-011. Dezember 1910[2] 208
1925-00-001925[3] 206
1933-00-001933[3] 222
1939-00-001939[3] 221

Religion[ännern | Bornkood ännern]

Kapell bi’n Karkhoff in Wiegersen

Wiegersen is evangeelsch-luthersch präägt un höört to dat Kaspel Obbens.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

De Karkhoff Wiegersen mit Kapell un Klockentoorn liggt an de Wiegerser Straat.

Kultur[ännern | Bornkood ännern]

Köhlhuus in Wiegersen

Jedet Johr gifft dat in Wiegersen en Drapen vun Ballonföhrers, de ok ut dat Utland dor hen kaamt.

In Wiegersen warrt jümmer an’n drüdden Advent op dat Good Wiegersen Wiehnachtsmarkt fiert.

Scholen[ännern | Bornkood ännern]

Grundschool Wiegersen

In Wiegersen steiht de Grundschool Wiegersen, dor gaht ok de Kinners ut Remnoh un Sounsiek op School. 2006 hett disse School ok en nee Sporthall kregen. Na Oberschool gaht se na de Oberschool Obbens, op Gymnasium na Harsfeld.

Weertschop un Infrastruktur[ännern | Bornkood ännern]

Dörpladen in Wiegersen
Füürwehrhuus

De Oort hett en egen freewillige Füürwehrhuus, de ehr Füürwehrhuus in de Straat An’n Diek hett.

Verkehr[ännern | Bornkood ännern]

Wiegersen liggt an kene groten Straten. De Kreisstraat 53 föhrt in’n Noorden na Remnoh un Kommerbusch an de Landsstraat 127 un in’n Süüdoosten na Sounsiek an de L 130. Lüttjere Straten gaht na Beekdörp, Ohrensmoor, Woonst un Lütt Woonst.

Ver- un Entsorgung[ännern | Bornkood ännern]

För dat Afwater is de Stadtentwässerung Buxthu tostännig.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140: https://books.google.de/books?id=qTZDAQAAMAAJ&pg=RA2-PA140
  2. http://www.gemeindeverzeichnis.de/gem1900/gem1900.htm?hannover/stade.htm
  3. a b c http://www.verwaltungsgeschichte.de/stade.html

Weblenken[ännern | Bornkood ännern]

Commons-logo.svg Wiegersen. Mehr Biller, Videos oder Audiodateien to’t Thema gifft dat bi Wikimedia Commons.