Löh (Gemeen Sounsiek)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Löh
Laag vun Löh in Düütschland
Basisdaten
Bundsland: Neddersassen
Landkreis: Stood
Samtgemeen: Obbens
Gemeen: Sounsiek
Inwahners:
Postleettall: 21644
Vörwahl: 04169
Geograafsche Laag:
Koordinaten:53° 22′ N, 9° 35′ O
53° 22′ N, 9° 35′ O

Oortsschild an de Landsstraat 130

Löh (hoochdüütsch Löhe) is en lütt Oort in de Gemeen Sounsiek (Samtgemeen Obbens) in’n Landkreis Stood, Neddersassen. De Oort höört polietsch al von öllers to Sounsiek to.

Geografie[ännern | Bornkood ännern]

De Oort liggt op de Stoder Geest. Dat Water ut dat Rebeed flütt in’n Noorden na’n Starsbeek hen af un in’n Süden över’n Bockhorster Graven na de Au un de Ramm.

De Naveröörd sünd Sounsiek un Bredenhoorn in’n Noorden, Resbossel in’n Noordoosten, Holv in’n Oosten, Hassbossel in’n Süüdoosten, Bockhorst un Woonst in’n Süüdwesten un Wiegersen in’n Noordwesten.

Historie[ännern | Bornkood ännern]

1105 kummt in en Oorkunn de Oort Trintla vör. Welk Forschers gaht dor von ut, dat dor Löh mit meent ween kunn. Aver seker is dat nich.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wiegersen in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon.

De Oort hett vör 1851 to de Böörd Zittens von dat Amt Zeven tohöört un denn to dat Amt Hornborg. Na 1885 weer dat in’n Kreis Stood. 1932 is dat Deel von’n ne’en grötteren Landkreis Stood worrn.

Löh hett al jümmer bi de Gemeen Sounsiek mit bihöört. Mit de Gemeenreform in Neddersassen an’n 1. Juli 1972 is Sounsiek mit Remnoh un Wiegersen to en gröttere Gemeen Sounsiek tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1824-00-001824[2] 4 Füürsteden
1848-00-001848[3] 36 Lüüd. 6 Hüüs
1871-12-011. Dezember 1871[4] 26 Lüüd. 6 Hüüs
1885-12-011. Dezember 1885[5] 32 Lüüd. 5 Hüüs
1905-12-011. Dezember 1905[6] 31 Lüüd. 6 Hüüs

Religion[ännern | Bornkood ännern]

Löh is evangeelsch-luthersch präägt un höört to dat Kaspel Obbens. Bet in dat 20. Johrhunnert weer de Oort Deel von dat Kaspel von de Andreas-Kark in Hullnst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Kultur[ännern | Bornkood ännern]

Verenen[ännern | Bornkood ännern]

De Lüüd ut Löh maakt bi’n Schüttenvereen von Sounsiek mit.

Weertschop un Infrastruktur[ännern | Bornkood ännern]

För Löh is de freewillige Füürwehr Sounsiek mit tostännig.

Verkehr[ännern | Bornkood ännern]

Dör Löh löppt de Landsstraat 130, de in’n Noordoosten na Sounsiek, Beekdörp un Obbens geiht un in’n Süüdwesten na Ramshuus un Zittens. In’n Oosten geiht de Kreisstraat 41 na Hassbossel, Holv un Hullnst. Twüschen Löh un Bockhorst geiht von de L 130 na Westen de K 67 af, de na Woonst geiht.

De Radweg an de L 130 von Löh över Bockhorst na Zittens is 2009 anleggt worrn.[7]

De nächste Autobahn is de Autobahn 1. De Opfohrt 46 Heidenau liggt so söss Kilometer in’n Süüdoosten von Löh.

De nächste Bahnhoff is so bi 14 Kilometer wied weg in’n Noordoosten de Bahnhoff Buxthu an de Nedderelvbahn.

Scholen[ännern | Bornkood ännern]

De Schölers ut Löh sünd fröher in Hassbossel na de Volksschool gahn. Vondaag gaht se aver na de Grundschool Wiegersen. En Kinnergoorn gifft dat in Sounsiek.

Ver- un Entsorgung[ännern | Bornkood ännern]

För dat Afwater is de Stadtentwässerung Buxthu tostännig.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 144
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 378
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 140
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 161
  7. http://www.tageblatt.de/home_artikel,-Die-Verbindung-zweier-Kreise-_arid,116927.html

Weblenken[ännern | Bornkood ännern]

Commons-logo.svg Löh (Gemeen Sounsiek). Mehr Biller, Videos oder Audiodateien to’t Thema gifft dat bi Wikimedia Commons.