Stadtentwässerung Buxthu
De Stadtentwässerung Buxthu (SEB) is en Egenbedriev von de Stadt Buxthu, de sik üm de Entsorgung von dat Afwater in de Stadt Buxthu un in de Samtgemeen Obbens kümmert.
De Bedriev ünnerhöllt en Kanalisatschoon, de üm un bi 274 Kilometer lang is un 242 Pumpstatschonen hett.[1]
Ok dat Regenwater warrt von de SEB över en separaat Kanaalnett afföhrt. Hier is de SEB aver blots in de Stadt Buxthu un in de Gemenen Obbens un Beekdörp tostännig. Dat Kanaalnett för Regenwater is 173 Kilometer lang.[1]
Historie[ännern | Bornkood ännern]
De Stadt Buxthu hett 1961/1962 en Klärwark an de Straat Melkerstieg an de Eest boot (53° 29′ N, 9° 43′ O).[2] Dat Klärwark weer utleggt op en Inwahnerweert von 25.000 un is 1981 bet 1984 op en Inwahnerweert von 100.000 utboot worrn.[2] De Anlaag weer blangen Buxthu ok för de Gemeen Vosshusen un de Samtgemeen Obbens mit tostännig. 1974 is de Oort Heendörp, de vörher to’n Afwaterverband Oolland un Geestrand höört hett, ok Deel von dat Rebeed von de Stadtentwässerung Buxthu worrn.
In de Johren 1990 hett sik rutstellt, dat dat Klärwark nich mehr op’n Stand von de Technik weer.[3] En ganz neet Klärwark müss her, wenn dat Afwater na’n Stand von de Technik opbereidt warrn schull. Dorüm hett de Stadt Buxthu beslaten, dat se lever mit de Hambörger Stadtentwässerung tohooparbeidt. Von’n Melkerstieg is över en Botied von 13 Maand en 18 Kilometer lange Druckleitung na dat Klärwark Köhlbrandhöft boot worrn.[3] 14 Milljonen Euro sünd dorbi investeert worrn.[4] Dorto müss extra en Staatsverdrag twüschen de Bundslänner Hamborg un Neddersassen slaten warrn.[3] In’n Dezember 2003 weer de Leitung trech.[3] In’t Johr warrt dör de Leitung 2,8 Milljonen Kubikmeter Afwater pumpt (Stand 2013).[3]
De Stadt Buxthu hett 1998 dat Afwatersysteem an de Stadtwarken Buxthu överdragen. De Stadtwarken weren to düsse Tied en Egenbedriev von de Stadt. 2001 is ut düssen Egenbedriev en GmbH worrn. Dorbi is de Stadtentwässerung aftrennt worrn un Egenbedriev von de Stadt bleven.
Footnoten[ännern | Bornkood ännern]
- ↑ a b Stadtentwässerung Buxthu: Kanalnetzdaten
- ↑ a b Joachim Zinnecker: Leitung oder Klärwerk? Effektive Aufgabenerledigung in Öffentlich-Rechtlicher Organisationsform. In: Thomas Wegener: 2004 - Rohrleitungen im Jahr der Technik. Vulkan-Verlag, 2004, Sied 536ff
- ↑ a b c d e Tom Kreib: 28 Millionen Kubikmeter Schiet - darüber muss man reden!, Wochenblatt an’n 6. Dezember 2013
- ↑ Hamburg Wasser: Abwasserübernahme Buxtehude (PDF)
Weblenken[ännern | Bornkood ännern]
- Websteed von de Stadtentwässerung Buxthu (hoochdüütsch)