Afwaterzweckverband Oolland un Geestrand
De Afwaterzweckverband Oolland un Geestrand is en Zweckverband, de för de Afwaterentsorgung in de Samtgemenen Lüh un Hornborg un in de Gemeen Jörk tostännig is.
Dat Klärwark von’n Verband liggt in Wetterndörp dicht bi de Elv (53° 35′ N, 9° 35′ O). In dat Klärwark doot 16 Lüüd arbeiden.[1] Utleggt is dat Klärwark för en Inwahnerweert von 46.000.[2] Bi en Afwatervolumen von 1,6 Milljonen Kubikmeter in’t Johr fallt 2000 Tunnen Klärslamm an.[2]
Historie
[ännern | Bornkood ännern]De Verband is 1967 von de Gemenen in de hüdigen Samtgemenen Lüh un Hornborg, in de hüdige Gemeen Jörk un von de Gemeen Heendörp grünnt worrn.[1] Heendörp is 1974 wedder ut’n Verband rut[1], nadem de Oort 1972 mit de Gemeenreform in Neddersassen Deel von de Gemeen Buxthu worrn is. Sietdem is för Heendörp de Stadtentwässerung Buxthu tostännig.
De Verband harr toeerst blots de Opgaav, dat Afwater to sammeln un aftoleiden.[1] 1970 bet 1971 is denn dat Klärwark in Wetterndörp anleggt worrn.[1] Dat Klärwark is in de Johren 1982 un 2007 utboot worrn.[1] 2007 is ünner annern en Fuulanlaag inboot worrn, de ok bruukt warrt, üm Stroom to tügen.[1]
2002 hett de Afwaterzweckverband tohoop mit de Hambörger Stadtentwässerung den Afwaterverband Ünnere Elv grünnt.[1] De beiden Partners koopereert in technische, juristische un Verwaltungsopgaven.[1]
Siet 2017 is de Verband ok för dat Regenwater in de Samtgemeen Lüh tostännig.[1] Vörher harr de Bohoff von de Samtgemeen düsse Opgaav.[1]
De Verband ünnerhöllt üm un bi 200 Kilometer Kanalisatschoon, 80 Pumpwarken un 800 lüttje Pumpen.[1]
Footnoten
[ännern | Bornkood ännern]- ↑ a b c d e f g h i j k l Stephanie Bargmann: Klärwerk Wetterndorf öffnet seine Türen, Wochenblatt an’n 12. Juni 2017
- ↑ a b Afwaterverband Ünnere Elv: Kläranlaag Steenkark-Wetterndörp
Weblenken
[ännern | Bornkood ännern]- Websteed von’n Afwaterverband Ünnere Elv (hoochdüütsch)
