Wetterndörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21720 | |
| Vörwahl: | 04142 | |
| Geograafsche Laag: | Koordinaten:53° 35′ N, 9° 35′ O53° 35′ N, 9° 35′ O | |
|
| ||
Wetterndörp (hoochdüütsch Wetterndorf) is en Oort in de Gemeen Steenkark (Samtgemeen Lüh) in’n Landkreis Stood, Neddersassen.
Geografie
[ännern | Bornkood ännern]Wetterndörp liggt in de Masch direkt achter’n Diek von de Elv in de Eerste Miel von Oolland. In’n Noorden vör Wetterndörp in de Elv liggt Lühsand.
De Naveröörd sünd Mojenhörn, Greundiek, Huttfleet un Steenkark in’n Süüdoosten, Bachenbrook in’n Westen un Sövenhöven, de Sietwenn un Sandhörn in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to de Hauptmannschop Steenkark von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort is von öllers Deel von de Gemeen Steenkark.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 50 Lüüd, 11 Hüüs |
| 1. Dezember 1885[2] | 37 Lüüd, 7 Hüüs |
Religion
[ännern | Bornkood ännern]Wetterndörp is evangeelsch-luthersch präägt un höört to dat Kaspel von de Martini-un-Nicolai-Kark in Steenkark.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]För Wetterndörp is de freewillige Füürwehr Steenkark mit tostännig.
In Wetterndörp liggt dat Klärwark von’n Afwaterverband Oolland un Geestrand.
Verkehr
[ännern | Bornkood ännern]Dör Wetterndörp löppt de Landsstraat 140, de in’n Noordwesten över Hullern na Stood geiht un in’n Süüdoosten över Huttfleet, Steenkark un Mittelskark na Jörk.
De nächste Autobahn is de Autobahn 26 (Afsnidd Stood–Hamborg). De Opfohrt 4 Dullern liggt so acht Kilometer in’n Süüdwesten von Wetterndörp an de L 125.
De nächste Bahnhoff is so bi negen Kilometer wied weg in’n Westen de Bahnhoff Stood an de Nedderelvbahn.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149