Sietwenn (Oolland)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Sietwenn

Sietwenn
Laag vun Sietwenn in Düütschland
Basisdaten
Bundsland: Neddersassen
Landkreis: Stood
Samtgemeen: Lüh
Gemeen: Greundiek/Steenkark
Inwahners:
Postleettall: 21720
Vörwahl: 04142
Geograafsche Laag:
Koordinaten:53° 35′ N, 9° 35′ O
53° 35′ N, 9° 35′ O

Sietwenn (hoochdüütsch Sietwende) is en lütten Oort in’n Landkreis Stood, Neddersassen. De Oort is opdeelt twüschen de beiden Gemenen Greundiek un Steenkark, de all beid Deel von de Samtgemeen Lüh sünd.

Sietwenn billt mit Sandhörn en Exklaav von de Gemeen Greundiek. Dat Rebeed liggt twüschen de Gemenen Hullern-Twielenfleet un Steenkark.

Geografie[ännern | Bornkood ännern]

De Oort liggt in de eerste Miel von Oolland in de Masch von de Ünnerelv.

De Naveröörd sünd Sandhörn in’n Noorden, Greundiek mit Mojenhörn un Steenkark mit Wetterndörp un Huttfleet in’n Süüdoosten, Bachenbrook in’n Westen un Hullern mit Sövenhöben un Twielenfleet in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to de Hauptmannschop Twielenfleet von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.

Dat Rebeed weer al von öllers opdeelt twüschen de Gemenen Greundiek un Steenkark.

Inwahnertall[ännern | Bornkood ännern]

Steenkark:

Johr Inwahners
1885-12-011. Dezember 1885[1] 39 Lüüd. 7 Hüüs
1905-12-011. Dezember 1905[2] 28 Lüüd. 4 Hüüs

Greundiek:

Johr Inwahners
1791-00-00 1791[3] 4 Füürsteden
1905-12-011. Dezember 1905[4] 41 Lüüd. 7 Hüüs

Religion[ännern | Bornkood ännern]

Sietwenn is evangeelsch-luthersch präägt un höört to dat Kaspel von de Marienkark in Greundiek un dat Kaspel von de Martini-un-Nicolai-Kark in Steenkark.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

För Sietwenn sünd de freewilligen Füürwehrn Greundiek un Steenkark mit tostännig.

Verkehr[ännern | Bornkood ännern]

Dör Sietwenn löppt de Landsstraat 140, de in’n Noordwesten över Hullern na Stood geiht un in’n Süüdoosten över Greundiek, Steenkark un Mittelskark na Jörk un op’n Hambörger Süden to.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so negen Kilometer in’n Süüdwesten von Sietwenn an de L 111 un de Opfohrt 4 Dullern negen Kilometer in’n Süden an de L 125.

De nächste Bahnhoff is so bi acht Kilometer wied weg in’n Westen de Bahnhoff Stood an de Nedderelvbahn von Cuxhoben na Hamborg.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 211
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92