Twielenfleet

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Twielenfleet
Laag vun Twielenfleet in Düütschland
Basisdaten
Bundsland: Neddersassen
Landkreis: Stood
Samtgemeen: Lüh
Gemeen: Hullern-Twielenfleet
Inwahners:
Postleettall: 21723
Vörwahl: 04141
Geograafsche Laag:
Koordinaten:53° 36′ N, 9° 34′ O
53° 36′ N, 9° 34′ O

Luftbild von Hullern (Vörgrund) un Twielenfleet (an de Elv)

Twielenfleet (hoochdüütsch Twielenfleth) is en Dörp in de Gemeen Hullern-Twielenfleet (Samtgemeen Lüh) in’n Landkreis Stood, Neddersassen.

Geografie[ännern | Bornkood ännern]

Twielenfleet liggt in de Masch von de Ünnerelv in de eerste Miel von Oolland. In’n Oosten liggt de Insel Lühsand.

De Naveröörd sünd Hullern in’n Süden, Speersoort in’n Westen un Wöhrn un Bassenfleet in’n Noordwesten. Op dat annere Över von de Elv in Sleswig-Holsteen doot de Öörd Haseldörp un Heteln liggen.

Historie[ännern | Bornkood ännern]

Twielenfleet kummt 1059 toeerst in de Oorkunnen vör.

In’n Eersten Weltkrieg sünd 47 Soldaten ut Twielenfleet fullen oder vermisst un in’n Tweten Weltkrieg 102.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen de Mairie Twielenfleet in’n Kanton Steenkark billt un hett denn von 1811 bet 1814 to dat Franzöösche Kaiserriek ünner Napoleon un dor to een Deel to de Mairie Hullern-Twielenfleet un to’n annern Deel to de Mairie Steenkark höört. De beiden Mairien legen all beid in’n Kanton Jörk.

De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

De Oort is 1966 dör dat Gesett över dat Tohoopsluten von de Gemenen Hullern un Twielenfleet in’n Landkreis Stood Deel von de nu gröttere Gemeen Hullern worrn, de sik an’n 1. Juli 1984 den ne’en Naam Hullern-Twielenfleet geven hett.

Inwahnertall[ännern | Bornkood ännern]

Johr Inwahners
1793-00-001793[2] 253 Füürsteden
1824-00-001824[3] 160 Füürsteden
1848-00-001848[4] 969 Lüüd. 165 Hüüs
1871-12-011. Dezember 1871[5] 425 Lüüd. 75 Hüüs
1910-12-011. Dezember 1910[6] 1.194
1925-00-001925[7] 1.136
1933-00-001933[7] 1.096
1939-00-001939[7] 1.250

Religion[ännern | Bornkood ännern]

Twielenfleet is evangeelsch-luthersch präägt un billt mit de Marienkark en egen Kaspel.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht op’n Karkhoff.

In’n Oort steiht ok en ole Windmöhl, de Venti Amica.

Verenen[ännern | Bornkood ännern]

Twielenfleet billt een von dree Oortswehrgruppen binnen de freewillige Füürwehr Hullern-Twielenfleet, de 1891 grünnt worrn is. De Schüttenvereen Hullern-Twielenfleet is 1966 grünnt worrn.

Weertschop un Infrastruktur[ännern | Bornkood ännern]

olen Lüchttoorn
Elv bi Twielenfleet

De ole Lüchttoorn von Twielenfleet is 1893 boot worrn. He is lopen, bet he an’n 12. Oktober 1984 ut Bedriev gahn is un en ne’eren Nafolger kregen hett.

Verkehr[ännern | Bornkood ännern]

Dör Twielenfleet löppt de Kreisstraat 34, de in’n Noordwesten dör Bassenfleet geiht un in’n Süden na Hullern an de Landsstraat 140 ran.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so acht Kilometer in’n Süüdwesten von Twielenfleet.

De nächste Bahnhoff is so bi acht Kilometer wied weg in’n Westen de Bahnhoff Stood an de Nedderelvbahn.

Scholen[ännern | Bornkood ännern]

Na Grundschool gaht de Kinner vondaag op de School in Hullern.

Freetied[ännern | Bornkood ännern]

Dicht bi de Elv steiht dat Freebad Twielenfleet. In’n Noordwesten na Bassenfleet hen hett de Oort ok noch en Strand an de Elv.

Literatur[ännern | Bornkood ännern]

  • Hans Peter Siemens: Twielenfleth: 1059–1959. 1959

Footnoten[ännern | Bornkood ännern]

  1. http://www.denkmalprojekt.org/dkm_deutschland/hollern-twielenfleth2_ns.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 231: https://books.google.de/books?id=jN5QAAAAcAAJ&pg=PA231
  3. C. H. Jansen: Statistisches Handbuch des Königreichs Hannover. 1824, Sied 606: http://books.google.de/books?id=tG0AAAAAcAAJ&pg=PA606
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139: https://books.google.de/books?id=qTZDAQAAMAAJ&pg=RA2-PA139
  6. http://www.gemeindeverzeichnis.de/gem1900/gem1900.htm?hannover/jork.htm
  7. a b c http://www.verwaltungsgeschichte.de/stade.html