Hullern

Vun Wikipedia
Zur Navigation springen Zur Suche springen
Wapen/Flagg Koort

Wapen vun Hullern

Hullern
Laag vun Hullern in Düütschland
Basisdaten
Bundsland: Neddersassen
Landkreis: Stood
Samtgemeen: Lüh
Gemeen: Hullern-Twielenfleet
Inwahners:
Postleettall: 21723
Vörwahl: 04141
Geograafsche Laag:
Koordinaten:53° 35′ N, 9° 33′ O
53° 35′ N, 9° 33′ O

Luftbild von Hullern (Vörgrund) un Twielenfleet (an de Elv)

Hullern (hoochdüütsch Hollern) is en Dörp in de Gemeen Hullern-Twielenfleet (Samtgemeen Lüh) in’n Landkreis Stood, Neddersassen.

To Hullern höört von öllers de Öörd Bachenbrook, Sövenhöben un Speersoort un de Hööv Kochshoff, Good Brook un Altona mit to.

Geografie[ännern | Bornkood ännern]

Hullern liggt in de Masch von de Ünnerelv in de eerste Miel von Oolland. In’n Noordoosten liggt de Insel Lühsand.

De Naveröörd sünd Twielenfleet in’n Noorden, Greundiek un Steenkark in’n Süüdoosten, Bachenbrook un Dollern in’n Süden, Gothenborg un Ottenbeek in’n Süüdwesten, Stood in’n Westen un Speersoort, Wöhrn, Melau un Bassenfleet in’n Noordwesten. Op dat annere Över von de Elv in Sleswig-Holsteen doot de Öörd Haseldörp un Heteln liggen.

Historie[ännern | Bornkood ännern]

Hullern kummt 1143 as Thitgeriscoph toeerst in de Oorkunnen vör. Disse Naam för den Oort, de von en Vörnaam un de Achtersülv -koop kummt, is as 'Ditterschop noch bet in dat 16. Johrhunnert bruukt worrn.

In’n Eersten Weltkrieg sünd 29 Soldaten ut Twielenfleet fullen oder vermisst un in’n Tweten Weltkrieg 87.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen de Mairie Hullern in’n Kanton Steenkark billt un hett denn von 1811 bet 1814 to dat Franzöösche Kaiserriek ünner Napoleon un dor to de Mairie Hullern-Twielenfleet in’n Kanton Jörk höört.

De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.

De Oort is 1966 dör dat Gesett över dat Tohoopsluten von de Gemenen Hullern un Twielenfleet in’n Landkreis Stood Deel von de nu gröttere Gemeen Hullern worrn, de sik an’n 1. Juli 1984 den ne’en Naam Hullern-Twielenfleet geven hett.

Inwahnertall[ännern | Bornkood ännern]

Johr Inwahners
1793-00-001793[2] 138 Füürsteden
1824-00-001824[3] 138 Füürsteden
1848-00-001848[4] 762 Lüüd. 122 Hüüs
1871-12-011. Dezember 1871[5] 514 Lüüd. 74 Hüüs
1910-12-011. Dezember 1910[6] 853
1925-00-001925[7] 828
1933-00-001933[7] 829
1939-00-001939[7] 848

Religion[ännern | Bornkood ännern]

Hullern is evangeelsch-luthersch präägt un billt mit de Mauritius-Kark en egen Kaspel.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Hullern an de Hullernstraat.

Verenen[ännern | Bornkood ännern]

De Schüttenvereen Hullern-Twielenfleet is 1966 grünnt worrn.

Weertschop un Infrastruktur[ännern | Bornkood ännern]

Hullern billt een von dree Oortswehrgruppen binnen de freewillige Füürwehr Hullern-Twielenfleet, de 1891 grünnt worrn is.

Verkehr[ännern | Bornkood ännern]

Dör Hullern löppt de Landsstraat 140, de in’n Noordwesten an de L 111 un na Stood geiht un in’n Süüdoosten över Greundiek, Steenkark un Mittelskark na Jörk.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so söven Kilometer in’n Süüdwesten von Hullern.

De nächste Bahnhoff is so bi söss Kilometer wied weg in’n Westen de Bahnhoff Stood an de Nedderelvbahn.

Footnoten[ännern | Bornkood ännern]

  1. http://www.denkmalprojekt.org/dkm_deutschland/hollern-twielenfleth_ot_hollern_ns.htm
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 111: https://books.google.de/books?id=jN5QAAAAcAAJ&pg=RA1-PA111
  3. C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 138: https://books.google.de/books?id=qTZDAQAAMAAJ&pg=RA2-PA138
  6. http://www.gemeindeverzeichnis.de/gem1900/gem1900.htm?hannover/jork.htm
  7. a b c http://www.verwaltungsgeschichte.de/stade.html