Melau
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21723 | |
| Vörwahl: | 04141 | |
| Geograafsche Laag: | Koordinaten:53° 37′ N, 9° 31′ O53° 37′ N, 9° 31′ O | |
|
| ||
Melau (hoochdüütsch Melau) is en Oort in de Gemeen Hullern-Twielenfleet (Samtgemeen Lüh) in’n Landkreis Stood, Neddersassen. De Oord höört polietsch al von öllers bi Twielenfleet mit bi.
Geografie[ännern | Bornkood ännern]
Melau liggt in de Masch dicht an’n Diek von dat Süüdöver von de Swing un höört to Oolland. Vörlagert is noch en Stück Butendieksland, so dat de Oord von de Swing üm un bi 800 Meter af is un von de Elv so bi 1,2 Kilometer.
De Naveröörd sünd Brunshusen un Stodersand in’n Noorden, Bassenfleet in’n Oosten, Twielenfleet un Hullern in’n Süüdoosten, Wöhrn un Speersoort in’n Süden, dat Oollanner Veerdel von Stood in’n Süüdwesten un Schölisch, Hörn un Snee in’n Noordwesten.
Historie[ännern | Bornkood ännern]
De Oort geiht trügg op en oold Eddelgood.
In’n Eersten Weltkrieg sünd söven Soldaten ut Melau fullen oder vermisst.[1]
Verwaltungsgeschicht[ännern | Bornkood ännern]
De Oort hett vör 1852 to dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk. 1932 is dat Deel von’n Kreis Stood worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[2] | 1 Füürsteed |
| 1824[3] | 1 Füürsteed |
| 1. Dezember 1871[4] | 97 Lüüd, 18 Hüüs |
Religion[ännern | Bornkood ännern]
Melau is evangeelsch-luthersch präägt un höört to dat Kaspel von de Wilhadi-Kark in Stood.
För de Kathoolschen is de Hillig-Geist-Kark in Stood tostännig.
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht in Twielenfleet op’n Karkhoff.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Direkt an Melau löppt de Landsstraat 111 langs. De nächste Opfohrt op disse Straat liggt aver eerst 3,5 Kilometer in’n Süüdwesten. De L 111 geiht in’n Noordwesten över Bützfleet na Drochters un in’n Süden bi Ottenbeek un Gothenborg an de Bundsstraat 73 ran. In’n Oosten löppt de Dörpstraat von Melau an de Kreisstraten K 32 un K 34 ran, von de de K 32 in’n Süden na de Landsstraat 140 föhrt.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so söss Kilometer in’n Süden von Melau an de L 111.
De nächste Bahnhoff is so bi veer Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg.
Footnoten[ännern | Bornkood ännern]
- ↑ http://www.denkmalprojekt.org/dkm_deutschland/hollern-twielenfleth2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 153
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 402
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139