Gothenborg

Vun Wikipedia
Wapen/Flagg Koort

Wapen vun Gothenborg

Gothenborg
Laag vun Gothenborg in Düütschland
Basisdaten
Bundsland: Neddersassen
Landkreis: Landkreis Stood
Samtgemeen: Samtgemeen Hornborg
Flach: 11,32 km²
Inwahners: 1365 (31. Dezember 2022)
Hööchd: 16 m över de See
Postleettall: 21684
Vörwahl: 04141
Geograafsche Laag:
Koordinaten:53° 34′ N, 9° 32′ O
53° 34′ N, 9° 32′ O
Grenzen bi OSM: 445842 445842
Gemeenslötel: 03359001
Börgermeester: Gerd Allers (WG)
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Gothenborg in’n Landkreis Stood (Koort lett sik anklicken)
Luftbild von Gothenborg (2012)
Slott Gothenborg

Gothenborg is en Dörp un Gemeen in’n Landkreis Stood in Neddersassen. De Gemeen hett 1365 Inwahners (Stand 31. Dezember 2022).

Geografie[ännern | Bornkood ännern]

Gothenborg liggt an’n Rand von de Stoder Geest na de Masch von Oolland. Dat Water von de Geest flütt af över den Ottenbeek, de in de Hullerner Moorwettern münnt. Ganz an’n Süüdrand von de Feldmark liggt de Heidbeek. Dat Water ut de Masch warrt afföhrt över de Gothenbörger Moorwettern, de över den Schöppwarkskanaal dör Hullern in de Elv münnt.

De Naveröörd sünd Speersoort un Hollern in’n Noorden, Bachenbrook in’n Noordoosten, Steenkark in’n Oosten, Gauderhandviddel un Dollern in’n Süüdoosten, Rüst, Helmst un Steenbeek in’n Süüdwesten, Hagen in’n Westen un Ottenbeek un Kamp (Stadtdelen von Stood) in’n Noordwesten.

Historie[ännern | Bornkood ännern]

Gothenborg heet fröher Lieth. Dat ole Lieth kummt den 8. Juni 1199 toeerst in ene Oorkunn vun’n Bremer Arzbischop Hartwig II. vör. Heinricus de Lyt warrt dor as Tüüg nöömt. 1652 hett de sweedsche Generalguvernör Hans Christoph von Königsmarck, de de sweedsche Baas in dat Hartogdom Bremen un Veern weer, en Goot in Lieth köfft un dor 1655/1656 dat Slott Gothenborg boot, wat den Naam na Königsmarck sien Fro Agathe von Lehsten kregen hett: Agathenburg. De Naam is denn ok op dat Dörp övergahn un op Platt to Gothenborg worrn.

1740 hett de Kurfürst vun Hannover Georg II., de blangenbi noch König vun Grootbritannien weer, dat Slott för 45.000 Daler köfft. In dat Slott seet denn vun 1753 af an de Amtmann vun dat Amt Stood-Gothenborg. De Amtmann hett sienen Seet 1859 denn aver in Stood nahmen un dat Slott hebbt se as Domään verpacht. 1876 schull dat Goot verköfft warrn. Do hebbt de Dörpslüüd ehr Geld tohoopsmeten un Slott un Land för 143.000 Mark köfft. Dat Slott keem 1881 an den Buur Hans Wilkens, de jüst as noch fief Buurn in Gothenborg vun jemehr Hoffsteden rünner müss, as dat Johr tovör de Iesenbahn na Gotenborg keem. Ok de Barockpark, de to’t Slott höör, is vun wegen de Iesenbahn mit weg kamen. 1921 is dat Slott afbrennt un blots de Muurn sünd stahn bleven. Hans un Sophie tom Felde hebbt dat Slott denn wedder opboot. 1983 hett Sophie tom Felde dat denn den Stoder Geschichts- un Heimatvereen nalaten, de dat allens an’n Landkreis afgeven hett. De Landkreis hett dat Slott 1991 saniert un bedrifft dat nu as Kulturzentrum.

Siet 1972 is dat Dörp Deel vun de Samtgemeen Hornborg.

Oortsschild mit plattdüütschen Naam mit op

Intressant is, dat de Oort, ofschoonst Gothenborg een vun de wenigen Öörd in de Gegend is, bi de de Naam ut dat Hoochdüütsche stammt, ok as een vun von de eersten Öörd Oortsschiller kregen hett, op de de plattdüütsche Naam mit opsteiht.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 258 Lüüd, 39 Hüüs
1885-00-001885[2] 228
1910-00-001910[3] 273
1925-00-001925[2] 277
1933-00-001933[2] 300
1939-00-001939[2] 358
1946-00-001946 741
2003-00-002003 1.065
2009-06-3030. Juni 2009[4] 1.137

Religion[ännern | Bornkood ännern]

Gothenborg is evangeelsch-luthersch präägt un höört bi dat Kaspel von de Wilhadi-Kark in de Binnenstadt von Stood.

För de Kathoolschen is de Hillig-Geist-Kark in Stood tostännig.

Politik[ännern | Bornkood ännern]

Gemeenraat[ännern | Bornkood ännern]

Gemeenraad
Johr \ Partei Tall CDU SPD WG Gröne
2001 11 3 1 7
2006 11 4 7
2011 11 3 7 1
2016 11 3 8
Liddmaten
  • 2011:
    CDU: Peter von Ahnen, Klaus Freienberg, Christoph Schenck
    WG: Gerd Allers, Harald Gooßen, Thilo Jungnickel, Andreas Kaschub, Klaus Kühnel, Ute Roese, Natalie Warkehr
    Gröne: Klaus Geselle
  • 2016:
    CDU: Andreas Feller, Stefan Heins, Christoph Schenck
    WG: Gerd Allers, Harald Gooßen, Achim Hein, Thilo Jungnickel, Bernhard Martens, Ute Roese, Liane Tiedemann, Natalie Warkehr

Börgermeesters[ännern | Bornkood ännern]

Tied Naam Partei
Gerd Allers WG

Wapen[ännern | Bornkood ännern]

Dat Wapen vun de Gemeen wiest op sülvern Grund dree blaue Spitzen, de na rechts wiest.

Dat Wapen kummt af von dat Wapen von de Familie von Königsmarck. Dat Dörp hett dat Wapen dör Erlass von dat Neddersassische Binnenministerium an’n 2. Februar 1949 kregen.

Weertschop un Infrastruktur[ännern | Bornkood ännern]

Gothenborg hett en egene freewillige Füürwehr, de 1906 grünnt worrn is.

Verkehr[ännern | Bornkood ännern]

Dör Gothenborg löppt de Bundsstraat 73 dör, de na Hamborg un Cuxhoben geiht. Ok de 1881 boote Nedderelvbahn vun Cuxhoben na Horborg hett ’n Bahnhoff in Gothenborg.

Ünnernehmens[ännern | Bornkood ännern]

Luftbild von dat Airbus-Wark. De groten Hallen in de rechte Hälft von dat Bild staht op Gothenbörger Rebeed (Blick von Süüdwesten, 2012)

Dat Airbus-Wark Stood liggt to en Deel ok mit op dat Rebeed von Gothenborg.

Ver- un Entsorgung[ännern | Bornkood ännern]

Stroom keem 1920 na Gothenborg.

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Kultur[ännern | Bornkood ännern]

In Gothenborg warrt jümmer an’t twete Wekenenn in’n Advent bi Slott Gothenborg Wiehnachtsmarkt fiert.

Scholen[ännern | Bornkood ännern]

Gothenborg hett siet 1977 en Speelkreis un vun 1990 af an en egen Kinnergoorn. De Grundschool, woneem de Gothenborger Kinner hengaht, is in Dollern. Op Haupt- un Realschool gaht de jung Lüüd na Hornborg, op Gymnasium an dat Athenaeum Stood.

De eerste School geev dat 1697 in Gothenborg. 1886 hebbt se noch wedder en nee Schoolhuus boot. Siet 1981 hett Gothenborg kene egene School mehr, de Gemeen hett dor en Schoolverband mit Dollern slaten.

Verenen[ännern | Bornkood ännern]

1998 hebbt de Gothenbörger en olen Backaven wedder opboot. Dat weer ok Anlaat för dat Grünnen vun den Vereen Gothenbörger Backobenfrünn, de ünner annern blangen dat Backen vun Broot un Kokens Bruukdom un de plattdüütsche Spraak plegen will.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140: https://books.google.de/books?id=qTZDAQAAMAAJ&pg=RA2-PA140
  2. a b c d http://www.verwaltungsgeschichte.de/stade.html
  3. http://www.gemeindeverzeichnis.de/gem1900/gem1900.htm?hannover/stade.htm
  4. http://www.horneburg.de/pdf/formulare a-z/Einwohnerzahlen.pdf

Weblenken[ännern | Bornkood ännern]

Gothenborg. Mehr Biller, Videos oder Audiodateien to’t Thema gifft dat bi Wikimedia Commons.