Nottensdörp

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Nottensdörp

Nottensdörp
Laag vun Nottensdörp in Düütschland
Basisdaten
Bundsland: Neddersassen
Landkreis: Stood
Samtgemeen: Hornborg
Flach: 7,14 km²
Inwahners: 1.442 (2011-12-3131. Dezember 2011)
Inwahnerdicht: 202 Inwahners pro km²
Hööchd: 22 m över de See
Postleettall: 21640
Vörwahl: 04163
Geograafsche Laag:
Koordinaten:53° 29′ N, 9° 36′ O
53° 29′ N, 9° 36′ O
Grenzen bi OSM: 444927 444927
Gemeenslötel: 03 3 59 034
Öörd in de Gemeen: 1
Börgermeester: Dierk Heins (CDU)
Websteed: www.horneburg.de
Balje (Neddersassen) Krummendiek (Neddersassen) Freiborg (Elv) Öderquart Gemeen Wischhoben Gemeen Drochters Grootweurn Engelschopp Hammah Düünbeudel Himmelpoorten Gemeen Burweg Gemeen Kronenborg Gemeen Esdörp Olendörp Gemeen Heinbockel Gemeen Stood Deinst Freenbeek Kutenhult Gemeen Jörk Buxthu Obbens Beekdörp (Neddersassen) Sounsiek Ohlers Brest Bargst Harsfeld Nottensdörp Bliersdörp Hornborg Dollern Gothenborg Landkreis Stood Neddersassen Landkreis Cuxhoben Landkreis Rodenborg Landkreis Horborg Hamborg Sleswig-Holsteen Sleswig-Holsteen Greundiek Mittelskark Neekark (Olland) Gauderhandviddel Steenkark (Olland) Hullern-Twielenfleth
Laag von de Gemeen Nottensdörp in’n Landkreis Stood (Koort lett sik anklicken)

Nottensdörp is een Gemeen in de Samtgemeen Hornborg in’n Landkreis Stood, Neddersassen. Bi Nottensdörp höört ok de Oort Schragenbarg mit bi.

Geografie[ännern | Bornkood ännern]

De Oort liggt op de Stoder Geest an’n Rand na de Maschen von Oolland. Dat Water ut dat Rebeed flütt över lüttjere Beken na de Au hen af oder na de Oollanner Gravens. In’n Noorden liggt de Bullenbrook.

De Naveröörd sünd Neekark in’n Noorden, Loodkup un Dammhusen in’n Noordoosten, Heendörp un Neeklooster in’n Oosten, Grundolendörp in’n Süden, Ruschwedel un Rutenbeek in’n Süüdoosten, Bliersdörp in’n Westen un Postmoor, Schragenbarg un Hornborg in’n Noordwesten.

Historie[ännern | Bornkood ännern]

Nottensdörp is 1270 dat eerste Mol in ene Uurkunn beneumt worrn, de obers verschütt gohn is. Nu is de öllste Uurkunn vun 1303, wo de Noom Notmestorpe in steiht.

In all de ole Tied, bit 1960, geev dat in Nottensdörp man blots de Bueree.

No den Tweten Weltkrieg sünn vele Reetdackhüüs toschann komen un nu stoht dor mehrstentieds modern Panndackhüüs. Buern gifft nich mihr vele, obers Boünnernehmen, Krögers, Hotels, twee Olenhüüs und enen Dokter.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hornborg in’n Kanton Hornborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Kreis Stood.

Inwahnertall[ännern | Bornkood ännern]

Johr Inwahners
1791-00-00 1791[1] 36 Füürsteden
1824-00-00 1824[2] 42 Füürsteden
1848-00-00 1848[3] 216 Lüüd. 58 Hüüs
1871-12-011. Dezember 1871[4] 270 Lüüd. 53 Hüüs
1885-12-011. Dezember 1885[5] 313 Lüüd. 54 Hüüs
1905-12-011. Dezember 1905[6] 259 Lüüd. 44 Hüüs
1910-12-011. Dezember 1910[7] 414*
1925-00-00 1925[8] 430*
1933-00-00 1933[8] 454*
1939-00-00 1939[8] 432*
2006-12-3131. Dezember 2006 1.441*
2011-12-3131. Dezember 2011 1.442*
* mit Schragenbarg

Religion[ännern | Bornkood ännern]

Nottensdörp is evangeelsch-luthersch präägt un höört to dat Kaspel von de Leevfroon-Kark in Hornborg. Fröher hett de Oort to dat Kaspel Obbens tohöört.

För de Kathoolschen is de St.-Marien-Kark in Buxthu tostännig.

Politik[ännern | Bornkood ännern]

Gemeenderoot[ännern | Bornkood ännern]

Gemeenraad
Johr \ Partei Tall CDU SPD WG enkelt
2006 11 8 2 1
2011 9 6 2 1
2016 11 8 3
Liddmaten
  • 2016:
    CDU: Heike Bremer, Gert Hauschildt, Dierk Heins, Michael Heins, Hartmut Huber, Hans-Günther Lemmen, Hans Osterholz, Reinhard Stupl
    SPD: Joachim Alpers, Udo Wolfgang Rolf Groening, Kerstin Raschke

Börgermeesters[ännern | Bornkood ännern]

Tied Naam Partei
2001–31. Oktober 2016 Hans Alpers-Janke CDU
1. November 2016– Dierk Heins CDU

Wapen[ännern | Bornkood ännern]

Dat Wapen för de Gemeen Nottensdörp is in’n Johr 1948 vun Fritz Haß utklamüüstert worrn.

Dat Wapen in Sülver wiest dree rode Flammen, de opstiegt.

Kultur un wat to bekieken is[ännern | Bornkood ännern]

1932 is ene Graff- un Gedenksteed för Hans Much boot worrn. De Uurn vun Hans Much is ünner enen groten Steen bisett worrn; up den Steen is de Inschrift "HANS MUCH 1880 - 1932" to lesen. Üm de Gedenksteed herüm sünd Feldstenen mit de Nooms vun siene Pekinesen-Hunn.

Bowark[ännern | Bornkood ännern]

An’n „Gootspark“ gifft dat ole Fachwarkhüüs to bekieken.

Sport[ännern | Bornkood ännern]

De Footballspeler ut Nottensdörp wulln in’n Johr 2003 mit den Noom „FC Nottensdorf 03“ anfangen. Dat se gau spelen köönt, hebbt se sick den Vereen „NoKi in Action e. V.“ ansloten. Nu hett obers de Nedersässische Footballverband dat no jümehr Statuten nicht toloten, een annern Noom as den Vereensnoom to bruken. Nu müssen sick de anneren Verenen mit dat „N“ wennen.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Nottensdörp langs löppt de Landsstraat 130, de in’n Süden över Grundolendörp na Obbens, Beekdörp un Sounsiek geiht un in’n Noorden an de Bundsstraat 73. De B 73 föhrt in’n Noordwesten na Hornborg, Dullern un Stood un in’n Süüdoosten över Heendörp un Neeklooster na Buxthu un Vosshusen. Lüttjere Straten gifft dat ans direkt na Heendörp un na Bliersdörp.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so veer Kilometer in’n Noorden von Nottensdörp an de K 36.

De nächste Bahnhoff is so bi veer Kilometer wied weg in’n Noordwesten de Bahnhoff Hornborg an de Nedderelvbahn twüschen Cuxhoben un Hamborg.

Scholen[ännern | Bornkood ännern]

In Nottensdörp is een von de twee Standöörd von de Grundschool Bliersdörp-Nottensdörp.

För dat Gymnasium güngen de Schölers bet 2018 op de Halepaghen-School in Buxthu. Von dat Schooljohr 2018/2019 af an wesselt de Schölers op dat Au-Geest-Gymnasium in Harsfeld.

Lüüd[ännern | Bornkood ännern]

De Bildhauer un Maler Carsten Eggers leevt siet 1991 in Nottensdörp.

Literatur[ännern | Bornkood ännern]

  • Christian Fuhst: Zu Hause in Nottensdorf – Chronik eines Dorfes und seiner Familien. 1996

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 450
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
  7. Inwahnertallen op gemeindeverzeichnis.de
  8. 8,0 8,1 8,2 Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Nottensdörp. Mehr Biller, Videos oder Audiodateien to’t Thema gifft dat bi Wikimedia Commons.