Neeklooster

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Neeklooster
Neeklooster
Laag vun Neeklooster in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners: 1.826 (2013-06-3030. Juni 2013)
Postleettall: 21614
Vörwahl: 04161
Geograafsche Laag:
Koordinaten:53° 29′ N, 9° 38′ O
53° 29′ N, 9° 38′ O

Neeklooster (hoochdüütsch Neukloster) is en Dörp in de Gemeen Buxthu in’n Landkreis Stood, Neddersassen.

Geografie[ännern | Bornkood ännern]

De Naveröörd sünd Dammhusen in’n Noordoosten, Heitmannshusen in’n Süüdoosten, Obbens in’n Süden, Grundolendörp in’n Süüdwesten un Heendörp un Nottensdörp in’n Westen.

Historie[ännern | Bornkood ännern]

Neeklooster kummt 1286 toeerst in de Oorkunnen vör. 1270 harr de Familie Schult an de Lüh bi Neenkark in Oolland en Klooster stift. Dat Klooster is denn later ümtagen. De ne’e Oort hett Bredenbeek heten, man dör dat Klooster hett sik denn de Naam Neeklooster inbörgert. Disse Ümtog is dör de Oorkunn von Bischop Conrad von Veern 1286 beleggt. Dat Klooster hett 1705 dichtmaakt, as de letzte nableven Nunn doodbleven is.

In’n Eersten Weltkrieg sünd 23 Soldaten ut Neeklooster fullen oder vermisst un in’n Tweten 51[1]. An’t Enn von’n Tweten Weltkrieg hebbt an’n 22. April 1945 de Briten dat Dörp innahmen.[2]

Bi Neeklooster gifft dat noch en Reeg ole Krüüzsteen, de fröher de Grenz von’n Kloosterbesitt na Buxthu kenntekent hebbt[3].

Verwaltungsgeschicht[ännern | Bornkood ännern]

De Oort hett vör’n 1. Juli 1823 to dat Amt Oold- un Neeklooster tohöört un denn bet 1852 to dat Amt Harsfeld. In dat Johr is de Oort in dat Amt Hornborg wesselt. Dat Amt Hornborg is aber blots bet 1859 bestahn bleven un Neeklooster hett denn wedder to dat Amt Harsfeld höört. Mit’n 1. April 1885 is dat Amt oplööst worrn un de Oort is Deel von’n Kreis Stood worrn. 1932 is dat Deel von’n ne’en, grötteren Kreis Stood worrn.

Neeklooster is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn.

Inwahnertall[ännern | Bornkood ännern]

Johr Inwahners
1824-00-00 1824[4] 41 Füürsteden
1848-00-00 1848[5] 356 Lüüd. 47 Hüüs
1910-12-011. Dezember 1910[6] 506
1925-00-00 1925[7] 510
1933-00-00 1933[7] 576
1939-00-00 1939[7] 732
1997-00-00 1997[8] 1.854
2006-12-3131. Dezember 2006[8] 1.906
2013-06-3030. Juni 2013[9] 1.826

Religion[ännern | Bornkood ännern]

Neeklooster is evangeelsch-luthersch präägt. To dat Kaspel von de Marien-Kark in Neeklooster höört ok Dammhusen un Heendörp to.

De eerste Kark is 1286 boot worrn. Disse Kark is 1499 afbrennt un denn wedder opboot worrn. De hüdige Kark is 1904 in’n neegootschen Stil boot worrn.

Wapen[ännern | Bornkood ännern]

Dat Wapen wiest baven links op sülvern Grund dat ole Klooster in grau mit rood Dack, baven rechts op gollen Grund en grönen Twieg mit Bläder un ünnen op blauen Grund en swart Watermöhlenrad.

Börgermeesters[ännern | Bornkood ännern]

Tied Börgermeester Partei
1986-1989 Hans Kühlke SPD
1989-2001 Wera Frenzel SPD
2001-29. September 2014 Helmuth Burfeind SPD
29. September 2014- Astrid Bade SPD

Oortsraad[ännern | Bornkood ännern]

Neeklooster hett binnen de Gemeen Buxthu en egen Oortsraad mit ölven Maten.

Oortsraad
Johr \ Partei Tall CDU SPD
2001 11 4 7
2011 11 4 7


Liddmaten
  • 2001:
    CDU: Alwin Bremer, Carl-Michael Hofmann, Beate Schleßelmann, Doris Sonnabend
    SPD: Astrid Bade, Helmuth Burfeind, Marion Frenzel, Ralf Meyer, Hans-Joachim Rothan, Karl-Heinz Warnecke, René Zober
  • 2011:
    CDU: Alwin Bremer, Carsten Gews, Sven Mahnke, Beate Schleßelmann
    SPD: Astrid Bade, Helmuth Burfeind, Marion Frenzel, Uwe Meinhardt, Ralf Meyer, Axel Pekruhn, Karl-Heinz Warnecke

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht an’n Rand von Neeklooster bi’n Woold. Neeklooster hett ok en Kriegsgräversteed, op de de 119 Soldaten begraven liggt, de in de Landkreise Stood, Rodenborg, Cuxhaven un Oosterholt fullen sünd[10].

En wichtig Fest is de Pingstmarkt, bi den elk Johr to Pingsten veel Lüüd ut de ganze Region kaamt. Anfungen hett dat mit’n Markt vör 130 Johr.

Verenen[ännern | Bornkood ännern]

De Freewillige Füürwehr is 1928 grünnt worrn. Vörher harr de Oort al en Plichtfüürwehr, de 1857 toeerst in de Oorkunnen vörkummt.

De Drachtenvereen Neeklooster, de de ole Volksdracht pleegt, is 1989 grünn worrn, un de Heimatvereen 1972.

Infrastruktur[ännern | Bornkood ännern]

Verkehr[ännern | Bornkood ännern]

tweesprakig Oortsschild

Dör Neeklooster löppt de Bundsstraat 73, de in’n Noordwesten na Hornborg un in’n Süüdoosten na Buxthu löppt. In’n Noorden löppt de Kreisstraat 26 na Jörk in Oolland. En lüttjere Straat gifft dat ans noch na Obbens.

In’n September 2010 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen[ännern | Bornkood ännern]

Na Grundschool gaht de Kinner op de Grundschool Neeklooster. De Kinnergoorn is in Heendörp.

Literatur[ännern | Bornkood ännern]

  • Margarete Schindler, Dietrich Alsdorf: 700 Jahre Neukloster. Dorfchronik. Neeklooster 1986
  • A. H. F. Gast: Führer durch Buxtehude, Altkloster und Neukloster. 1930

Footnoten[ännern | Bornkood ännern]

  1. http://www.denkmalprojekt.org/dkm_deutschland/buxtehude-neukloster_wk1u2_ns.htm
  2. Kriegsende in Neukloster und Hedendorf, Stader Tageblatt von’n 3. Juni 2015
  3. http://www.suehnekreuz.de/nieder/neukloster.htm
  4. C. H. Jansen: Statistisches Handbuch des Königreichs Hannover. 1824, Sied 436: http://books.google.de/books?id=tG0AAAAAcAAJ&pg=PA436
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  6. http://www.gemeindeverzeichnis.de/gem1900/gem1900.htm?hannover/stade.htm
  7. 7,0 7,1 7,2 http://www.verwaltungsgeschichte.de/stade.html
  8. 8,0 8,1 http://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf
  9. http://www.tageblatt.de/lokales/buxtehude artikel,-Bevoelkerungszahl-sinkt-weiter- arid,1020784.html
  10. http://www.denkmalprojekt.org/dkm_deutschland/buxtehude-neukloster_kgfrdh_wk2_ns.htm

Weblenken[ännern | Bornkood ännern]

Commons-logo.svg Neeklooster. Mehr Biller, Videos oder Audiodateien to’t Thema gifft dat bi Wikimedia Commons.