Dammhusen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Dammhusen

Dammhusen
Laag vun Dammhusen in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners: 753 (2017-12-3131. Dezember 2017)
Hööchd: 1 m över NHN
Postleettall: 21614
Vörwahl: 04161
Geograafsche Laag:
Koordinaten:53° 29′ N, 9° 40′ O
53° 29′ N, 9° 40′ O

Dammhusen (hoochdüütsch Dammhausen) is en Dörp un Oortschop in de Gemeen Buxthu in’n Landkreis Stood, Neddersassen.

Geografie[ännern | Bornkood ännern]

De Naveröörd sünd Loodkup in’n Noorden, Eestbrügg in’n Noordoosten, Buxthu in’n Süüdoosten, Heitmannshusen in’n Süden un Neeklooster in’n Süüdwesten.

Historie[ännern | Bornkood ännern]

Dammhusen is en Stratendörp, dat 1810 as Moorkolonie grünnt worrn is. As eersten Neeboer gellt Andreas Bremer ut Neeklooster. Bet 1825 harrn sik 26 Anboers in dat Moor von Loodkup ansiedelt. To de Tied hett de Landdrostie Stood ut Dammhusen en egen Dörp maakt.

In’n Eersten Weltkrieg sünd 22 Soldaten ut Dammhusen fullen oder vermisst un in’n Tweten 42.[1]

Verwaltungsgeschicht[ännern | Bornkood ännern]

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Dammhusen is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn. Dat is nu en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1824-00-001824[2] 6 Füürsteden
1848-00-001848[3] 234 Lüüd. 43 Hüüs
1871-12-011. Dezember 1871[4] 365 Lüüd. 66 Hüüs
1885-12-011. Dezember 1885[5] 361 Lüüd. 68 Hüüs
1905-12-011. Dezember 1905[6] 360 Lüüd. 65 Hüüs
1910-12-011. Dezember 1910[7] 345
1925-00-001925[8] 343
1933-00-001933[8] 301
1939-00-001939[8] 302
1997-00-001997[9] 745
2006-12-3131. Dezember 2006[9] 750

Religion[ännern | Bornkood ännern]

Dammhusen is evangeelsch-luthersch präägt un höört to dat Kaspel von de Marien-Kark in Neeklooster.

Wapen[ännern | Bornkood ännern]

Dat Wapen wiest en Neddersassenhuus in natürliche Farven, baven op blauen Heven un ünnen op grönen Grund. Vör dat Huus löppt en Weg langs un in’n Schildfoot sünd twee krüüzte Mooreschers.

Oortsvörsteihers[ännern | Bornkood ännern]

  • opstunns: Thomas Sudmeyer (SPD)

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in’e Midd von’n Oort.

Verenen[ännern | Bornkood ännern]

De Schützenvereen (Scheetclub Dammhusen) is 1974 grünnt worrn.

Weertschop un Infrastruktur[ännern | Bornkood ännern]

De Freewillige Füürwehr is 1936 grünnt worrn.

Verkehr[ännern | Bornkood ännern]

tweesprakig Oortsschild

Dammhusen liggt an de Kreisstraat 51, de in’n Süüdoosten na Buxthu hen löppt. In’n Westen löppt de Straat an de K 26 ran, de na Neeklooster un Jörk geiht.

Dat Dörp hett in de Johren 2010 ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen[ännern | Bornkood ännern]

Dammhusen hett en Kinnergoorn. De eerste Volksschool hett dat 1850 in Dammhusen geven. 1891 is en neet Schoolhuus boot worrn. 1969 hett de School dichtmaakt. Sietdem gaht de Kinner op de Buxthuer Grundschool Rotkäppchenweg.

Ver- un Entsorgung[ännern | Bornkood ännern]

För dat Afwater is de Stadtentwässerung Buxthu tostännig.

Footnoten[ännern | Bornkood ännern]

  1. Onlineprojekt Gefallenendenkmäler
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 178
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de
  9. a b http://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf

Weblenken[ännern | Bornkood ännern]

Commons-logo.svg Dammhusen. Mehr Biller, Videos oder Audiodateien to’t Thema gifft dat bi Wikimedia Commons.