Eestbrügg

Vun Wikipedia
Wapen/Flagg Koort
Wapen unbekannt
Eestbrügg
Laag vun Eestbrügg in Düütschland
Basisdaten
Bundsland: Neddersassen
Landkreis: Stood
Gemeen: Jörk
Inwahners:
Postleettall: 21635
Vörwahl: 04162
Geograafsche Laag:
Koordinaten:53° 31′ N, 9° 44′ O
53° 31′ N, 9° 44′ O

Karte

Luftbild von dat Oortszentrum mit de Kark (2012)
Blick von de Dreihbrügg dal
De ole Schipper, Skulptur von Carsten Eggers

Eestbrügg (hoochdüütsch Estebrügge) is en Dörp in de Gemeen Jörk in’n Landkreis Stood, Neddersassen.

Geografie[ännern | Bornkood ännern]

Eestbrügg liggt in de Masch op’t linke Över glieks achtern Eestdiek un höört to Oolland.

De Naveröörd sünd Königriek in’n Noorden, Hoov un Moorenn in’n Oosten, Neeland in’n Süden, Dammhusen in’n Süüdwesten, Laadkup in’n Westen un Jörk in’n Noordwesten.

Historie[ännern | Bornkood ännern]

Eestbrügg kummt 1196 toeerst in de Oorkunnen vör, as de Bröder Heinrich un Gerlach von Heimbrook jemehr Land bet na de Hollanners an de Eest an dat Klooster Ooldklooster geven hebbt. In de öllsten Oorkunnen hett de Oort Eschete heten, eerst later hett sik de Naam Eestbrügg dörsett. In de Tied üm 1200 harr de Oort ok al en Preester, en Kark lett sik in de Oorkunnen eerst för 1221 nawiesen, as de Kark von Eestbrügg dat Stift in Veern ünnerornt worrn is.

In’n Düütsch-Franzööschen Krieg 1870/1871 sünd twee Soldaten[1] ut Eestbrügg fullen oder vermisst un in’n Tweten Weltkrieg 65[2].

Verwaltungsgeschicht[ännern | Bornkood ännern]

In de Franzosentied von 1810 bet 1814 weer de Oort Seet von de Mairie Eestbrügg in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort weer vör 1852 Deel von dat Grevengericht Oolland un weer dor opdeelt twüschen de Hauptmannschoppen Moorenn un Königriek. Von 1852 bet 1885 weer de Oort in dat Amt Jörk un na 1885 in’n Kreis Jörk. 1932 is dat an’n Kreis Stood kamen.

Eestbrügg weer fröher nich egenstännig un opdeelt twüschen Moorenn un Königriek. Eerst 1879 is Eestbrügg denn en egene Gemeen worrn. Düsse Gemeen is mit de Gemeenreform in Neddersassen an’n 1. Juli 1972 Deel von de Gemeen Jörk worrn.

Inwahnertall[ännern | Bornkood ännern]

Johr Inwahners
1791-00-001791[3] 326 Füürsteden
1812-00-001812[4] 552*
1824-00-001824[5] 326 Füürsteden
1871-12-011. Dezember 1871[6] 311 Lüüd, 52 Hüüs
1885-12-011. Dezember 1885[7] 759 Lüüd, 136 Hüüs
1905-12-011. Dezember 1905[8] 652 Lüüd, 132 Hüüs
1910-12-011. Dezember 1910[9] 624
1925-00-001925[10] 621
1933-00-001933[10] 690
1939-00-001939[10] 678
* tohoop mit Moorenn-Oostsied

Moorenn:

Johr Inwahners
1871-12-011. Dezember 1871[6] 49 Lüüd, 7 Hüüs

Börgermeesters[ännern | Bornkood ännern]

  • -30. Juni 1972: Johannes Schacht[11]

Religion[ännern | Bornkood ännern]

Martini-Kark
Snitger-Örgel in de Martini-Kark

Eestbrügg is evangeelsch-luthersch präägt un billt mit de St.-Martini-Kark en egen Kaspel. De hüdige Kark is 1700 bet 1702 boot worrn un steiht op de Grundmüürn von ehr Vörgänger.

De Örgel von de Kark is 1702 von Arp Snitger boot worrn un harr en II/P-Manual un 34 Registers. 1818 hett Johann Georg Wilhelm Wilhelmy de Örgel wedder op Schick bröcht. 1959 hett Emanuel Kemper denn achter den olen Snitger-Prospekt en ne’e Örgel mit en III/P-Manual un 35 Registers boot.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

Bi’n Eestbrügger Karkhoff steiht en Denkmaal för de Fullenen ut de twee Weltkrieg’. En extra Denkmaal för de fullen Soldaten ut’n Düütsch-Franzööschen Krieg 1870/1871 steiht bi de Kark.

In Eestbrügg warrt jümmer an’n drüdden Advent bi de Kark Wiehnachtsmarkt fiert.

Museums[ännern | Bornkood ännern]

Eestbrügg hett en lütt Museum, dat Saken to de Oollanner Heimatgeschicht wiest.

Verenen[ännern | Bornkood ännern]

De Schützengill Eestbrügg un Ümgegend is 1612 grünnt worrn. De Oollanner Sportclub Cranz-Eestbrügg hett sik 1927 ünner den Naam Eestbrügger Sportvereen grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Eestbrügg liggt an de Kreisstraat 39, de in’n Noorden bi Königriek an de Landsstraat 140 rangeiht, de denn na Jörk un Neefeld geiht. In’n Süden löppt de K 39 över Neeland na Buxthu. Över de Eest röver geiht en Dreihbrügg na Hoov.

De nächste Bahnhoff is de Bahnhoff Buxthu an de Nedderelvbahn.

Ver- un Entsorgung[ännern | Bornkood ännern]

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Lüüd[ännern | Bornkood ännern]

De Theoloog Günther Schwarz weer en Tied Pastoor in Eestbrügg.

Footnoten[ännern | Bornkood ännern]

  1. http://www.denkmalprojekt.org/dkm_deutschland/estebruegge.htm
  2. http://www.denkmalprojekt.org/dkm_deutschland/jork_estebr_wk.htm
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 71
  4. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 57
  5. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 176
  6. a b Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. Gebietsänderungsvertrag vom 20. Juni 1972

Weblenken[ännern | Bornkood ännern]

Eestbrügg. Mehr Biller, Videos oder Audiodateien to’t Thema gifft dat bi Wikimedia Commons.