Beekdörp (Neddersassen)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Beekdörp
Laag vun Beekdörp in Düütschland
Basisdaten
Bundsland: Neddersassen
Landkreis: Stood
Samtgemeen: Obbens
Gemeen: Beekdörp
Inwahners:
Hööchd: 40 m över NHN
Postleettall: 21643
Vörwahl: 04167
Geograafsche Laag:
Koordinaten:53° 25′ N, 9° 37′ O
53° 25′ N, 9° 37′ O

Luftbild von Beekdörp von Süüdwesten keken (2013)

Beekdörp (hoochdüütsch Beckdorf) is en Dörp in de Gemeen Beekdörp (Samtgemeen Obbens) in’n Landkreis Stood, Neddersassen.

Geograafsche Laag[ännern | Bornkood ännern]

Beekdörp liggt up de Geest an’n Guldbeek, so wat üm 8 Kilometer in’n Süden von Oolland, in’n Westen vun de Horborger Bargen. Dat Dörp liggt up en Knüll in dat Daal vun den Guldbeek, so wat üm 2,5 km vun den Litbarg, wat de hööchst Tipp in’n Landkreis Stood is. In’n Westen liggt dat Beekdörper Moor un dat Naturschuulrebeed Moor bi Remnoh.

De Naveröörd sünd Obbens in’n Noorden, Ottens un Heimbrook in’n Noordoosten, Nindörp in’n Oosten, Guldbeek un Resbossel in’n Süüdoosten, Sounsiek in’n Süden, Wiegersen in’n Süüdwesten, Kommerbusch un Remnoh in’n Westen un Wittenfell un Ruschwedel in’n Noordwesten.

Historie[ännern | Bornkood ännern]

De Naam geiht op de Wöör Beek un Dörp trüch, bedüüdt also Dörp an’n Beek.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Beekdörp in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Harsfeld in’n Kanton Hornborg.

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Oort is an’n 1. Juli 1972 mit de Gemeenreform in Neddersassen mit de Gemenen Nindörp un Guldbeek to de ne’e, gröttere Gemeen Beekdörp tohoopgahn.

Inwahnertall[ännern | Bornkood ännern]

Johr Inwahners
1791-00-001791[1] 30 Füürsteden
1824-00-001824[2] 30 Füürsteden
1848-00-001848[3] 213 Lüüd. 32 Hüüs
1871-12-011. Dezember 1871[4] 212 Lüüd. 23 Hüüs
1885-12-011. Dezember 1885[5] 224 Lüüd. 36 Hüüs
1905-12-011. Dezember 1905[6] 303 Lüüd. 46 Hüüs
1910-12-011. Dezember 1910[7] 339
1925-00-001925[8] 387
1933-00-001933[8] 368
1939-00-001939[8] 382

Religion[ännern | Bornkood ännern]

Beekdörp is evangeelsch-luthersch präägt un höört to dat Kaspel Obbens.

För de Kathoolschen is de St.-Maria-Kark in Buxthu tostännig.

Kultur un wat to bekieken is[ännern | Bornkood ännern]

Möllers Gasthoff
De Beekhoff

Historisch Bowarken[ännern | Bornkood ännern]

De Beekhoff is eene vun de schöönsten Inrichten vun de Bueree in Düütschland.

In dat Beekdörper Moor is de Borg Dannsee. Dat wöör en Fluchtborg in’t 14. Johrhunnert vun den Roofridder Iesern Hinnerk (Heinrich von Borch), de hier wohnt hett.

In’n Westen un Süden sünd en poor Hünengräver.

Sport[ännern | Bornkood ännern]

De Spood von de Handballmannschopen vun den örtlichen Sportvereen SV Beekdörp hett den Oort bekannt mookt. De Vereen is 1924 grünnt worrn. Vun de jungen Spelers hebbt dat welke bit in de eerste Handball-Bundsliga schafft.

De Oort hett ok en Schüttenvereen.

Weertschop un Infrastruktur[ännern | Bornkood ännern]

Beekdörp hett en egene freewillige Füürwehr.

Verkehr[ännern | Bornkood ännern]

Beekdörp is över de Landsstraat 130 mit Obbens un Sounsiek verbunnen. De Kreisstraat 52 verbindt den Oort mit Guldbeek un Nindörp.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so ölven Kilometer in’n Noorden von Beekdörp an de K 36.

De nächste Bahnhoff is so bi dree Kilometer wied weg in’n Noorden de Bahnhoff Obbens an de Bahnlien Bremerhoben–Buxthu.

Scholen[ännern | Bornkood ännern]

De Grundschool Beekdörp is 2010 dichtmaakt worrn, nadem se dor PCP funnen hebbt. De Schölers gaht nu an de Grundschool Obbens na School.

Ver- un Entsorgung[ännern | Bornkood ännern]

För dat Afwater is de Stadtentwässerung Buxthu tostännig.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 18
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 44
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de