Mairie Harsfeld

Vun Wikipedia
Zur Navigation springen Zur Suche springen

De Mairie Harsfeld weer in de Franzosentied (1810 bet 1813) een von de dree Mairien, in de de Kanton Hornborg indeelt weer. De Seet weer in Harsfeld. Se harr 3028 Inwahners.[1]

Historie[ännern | Bornkood ännern]

De Ümgegend von Harsfeld hett vör de Franzosentied to dat Amt Harsfeld un dat Gericht Delm in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Harsfeld een von de twölv Mairien in’n Kanton Harsfeld von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Harsfeld weer nu een von de dree Mairien in’n Kanton Hornborg, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de söss Mairien Harsfeld, Bargst, Hollenbeek, Beekdörp, Obbens un Aasp (all söss in’n Kanton Harsfeld) höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Samtgemenen Harsfeld, Obbens un Freenbeek un de Stadt Buxthu.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 9