Kommerbusch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21644 | |
| Vörwahl: | 04164 | |
| Geograafsche Laag: | Koordinaten:53° 25′ N, 9° 33′ O53° 25′ N, 9° 33′ O | |
|
| ||
Kommerbusch (hoochdüütsch Kammerbusch) is en Dörp in de Gemeen Sounsiek (Samtgemeen Obbens) in’n Landkreis Stood, Neddersassen.
Geografie[ännern | Bornkood ännern]
De Oort liggt op de Stoder Geest. De Steenbeek flütt in’n Westen an Kommerbusch langs. In’n Oosten liggt dat Naturschuulrebeed Moor bi Remnoh.
De Naveröörd sünd Ruschwedel in’n Noorden, Obbens in’n Noordoosten, Beekdörp in’n Oosten, Sounsiek in’n Süüdoosten, Wiegersen un dat fröhere Borrel in’n Süden, Remnoh un Ohrensmoor (mit Depenrehmen) in’n Süüdwesten un Griemshorst un Wittenfell in’n Noordwesten.
Historie[ännern | Bornkood ännern]
Kommerbusch kummt üm 1500 toeerst in dat Vörder Register vör.
In’n Eersten Weltkrieg sünd söven Soldaten ut Remnoh un Kommerbusch fullen oder vermisst un in’n Tweten Weltkrieg 35.[1]
Verwaltungsgeschicht[ännern | Bornkood ännern]
De Oort hett vör 1852 to dat Gericht Delm tohöört un denn von 1852 bet 1859 to dat Amt Hornborg. Von 1859 bet 1885 weer dat in dat Amt Harsfeld un na 1885 in’n Kreis Stood. 1932 is dat Deel von’n ne’en, grötteren Kreis Stood worrn. Kommerbusch hett siet dat 19. Johrhunnert to de Gemeen Borrel tohöört, de 1909 den ne’en Naam Remnoh kregen hett, nadem dat Dörp Borrel ingahn is.
De Gemeen Remnoh hett sik later de Samtgemeen Obbens anslaten. Bi de Gemeenreform in Neddersassen an’n 1. Juli 1972 is Remnoh mit Kommerbusch Deel von de Gemeen Sounsiek worrn.
Inwahnertall[ännern | Bornkood ännern]
| Johr | Inwahners |
|---|---|
| 1793[2] | 6 Füürsteden |
| 1824[3] | 7 Füürsteden |
| 1848[4] | 59 Lüüd, 9 Hüüs |
| 1. Dezember 1871[5] | 27 Lüüd, 5 Hüüs |
Religion[ännern | Bornkood ännern]
Kommerbusch is evangeelsch-luthersch präägt un höört to dat Kaspel von de Kark in Obbens.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Dat Dörp hett tohoop mit dat Dörp Remnoh den Karkhoff Remnoh-Kommerbusch an de Obbenser Straat.
Kultur[ännern | Bornkood ännern]
Verenen[ännern | Bornkood ännern]
För Kommerbusch is de freewillige Füürwehr Remnoh mit tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Kommerbusch löppt de Landsstraat 127, de in’n Noordoosten na Obbens un Buxthu geiht un in’n Süüdwesten över Ohrenswohl na Wangersen an de L 124 un wieder na Heeßel un Zeven. De L 127 warrtkrüüzt von de Kreisstraat 53, de in’n Noordwesten över Griemshorst na Harsfeld geiht un in’n Süden na Wiegersen un denn na Sounsiek.
De nächste Autobahn is de Autobahn 1. De Opfohrt 46 Heidenau liggt so 15 Kilometer in’n Süüdoosten von Kommerbusch.
De nächsten Bahnhööv sünd so bi fiev Kilometer wied weg in’n Noorden an de Bahnlien Bremerhoben–Buxthu. Dat sünd de Bahnhööv Harsfeld, Ruschwedel un Obbens.
Scholen[ännern | Bornkood ännern]
De Kinner gaht op de Grundschool Wiegersen. En Kinnergoorn gifft dat in Remnoh.
Ver- un Entsorgung[ännern | Bornkood ännern]
För dat Afwater is de Stadtentwässerung Buxthu tostännig.
Literatur[ännern | Bornkood ännern]
- Klaus Bredehöft: Inseln im Moor. Aus der Geschichte von Revenahe-Kammerbusch. Kommerbusch 1984
Footnoten[ännern | Bornkood ännern]
- ↑ Kriegerdenkmaal
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 45: https://books.google.de/books?id=jN5QAAAAcAAJ&pg=RA1-PA45
- ↑ C. H. Jansen: Statistisches Handbuch des Königreichs Hannover. 1824, Sied 110: http://books.google.de/books?id=tG0AAAAAcAAJ&pg=RA1-PA110
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140: https://books.google.de/books?id=qTZDAQAAMAAJ&pg=RA2-PA140
