Vörder Register

Dat Vörder Register (latiensch Registrum bonorum et Iurium Castri Vorde citra et ultra Oestam: Register von de Göder un Rechten von de Borg Vöör op düsse Sied un güntsied de Oost) is en List, de de Arzbischop Johann III. Rode von Wale in de Tied von 1498 bet 1500 hett trechmaken laten. Dat vertekent den Besitt von de Kark in dat Stift Bremen. De Arzbischöp von Bremen hebbt to disse Tied op de Borg Vöör in Bremervöör seten, dorvon de Naam.

En ganze Reeg lüttjere Öörd in dat Elv-Werser-Dreeeck kaamt in dit Register dat eerste Maal mit’n Naam vörn.

Dat Register is to’n Deel in Latien schreven, to’n gröttern Deel aver in Middelnedderdüütsch. Twüschen de enkelten Indrääg is faken Platz laten worrn. Dat weer wohrschienlich plaant, dat dat Register jümmer aktuell hollen warrt, aver dat is denn doch nich maakt worrn.

Dat Register liggt vondaag in dat Staatsarchiv Stood un is in en goden Tostand. Wilhelm von Hodenberg hett 1856 de eerste modeerne Afschrift rutbröcht, de sik an de original Bookstaven höllt.

Literatur

• Wilhelm von Hodenberg: Bremer Geschichtsquellen. Band 2: Das Vörder Register. Celle 1856 (Digitalisat bi’t GDZ)
• Wolfgang Dörfler: Herrschaft und Landesgrenze. Die langwährenden Bemühungen um die Grenzziehung zwischen den Stiften und späteren Herzogtümern Bremen und Verden. Landschaftsverband der ehemaligen Herzogtümer Bremen und Verden, Stade 2004, ISBN 3-931879-14-3 (Schriftenreihe des Landschaftsverbandes der Ehemaligen Herzogtümer Bremen und Verden, Bd. 22)