Ruschwedel

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Ruschwedel
Laag vun Ruschwedel in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Harsfeld
Inwahners:
Postleettall: 21698
Vörwahl: 04164
Geograafsche Laag:
Koordinaten:53° 27′ N, 9° 34′ O
53° 27′ N, 9° 34′ O

Luftbild von Ruschwedel 2013
Ehmalig Buurnhuus in Ruschwedel
Hoff in Ruschwedel

Ruschwedel is en Dörp mit üm un bi 500 Inwahners in de Gemeen Harsfeld, Samtgemeen Harsfeld, in’n Landkreis Stood, Neddersassen.

Geografie[ännern | Bornkood ännern]

De Oort liggt op de Stoder Geest. Dat Water ut dat Rebeed flütt över’n Steenbeek af na de Au.

De Naveröörd sünd Bliersdörp in’n Noorden, Heendörp in’n Noordoosten, Obbens in’n Süüdoosten, un Kommerbusch-Remnoh un Griemshorst in’n Süüdwesten, Harsfeld in’n Westen un Issendörp in’n Noordwesten.

Historie[ännern | Bornkood ännern]

Toeerst in de Oorkunnen kummt de Oort in’t 17. Johrhunnert vör.

In’n Eersten Weltkrieg sünd söss Soldaten ut Ruschwedel fullen oder vermisst un in’n Tweten Weltkrieg 23.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Bliersdörp in’n Kanton Hornborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hornborg in’n Kanton Hornborg.

Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Ruschwedel weer fröher en egenstännige Gemeen, de von 1967 bet 1972 Liddmaat von de ole, lüttje Samtgemeen Harsfeld weer. De Gemeen is an’n 1. Juli 1972 bi de Gemeenreform in Neddersassen mit de Gemeen Harsfeld tohoopleggt worrn un weer denn Deel von de ne’e un gröttere Samtgemeen Harsfeld.

Inwahnertall[ännern | Bornkood ännern]

Johr Inwahners
1791-00-001791[2] 11 Füürsteden
1824-00-001824[3] 12 Füürsteden
1848-00-001848[4] 108 Lüüd. 14 Hüüs
1871-12-011. Dezember 1871[5] 83 Lüüd. 14 Hüüs
1885-12-011. Dezember 1885[6] 95 Lüüd. 11 Hüüs
1905-12-011. Dezember 1905[7] 123 Lüüd. 18 Hüüs
1910-12-011. Dezember 1910[8] 132
1925-00-001925[9] 149
1933-00-001933[9] 141
1939-00-001939[9] 158

Religion[ännern | Bornkood ännern]

Ruschwedel is evangeelsch-luthersch präägt un höört to dat Kaspel Obbens.

För de Kathoolschen is de St.-Michael-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu tohöört.

De Oort hett en egen Karkhoff, de an de Ruschwedeler Straat in’n Süden von’n Oort liggt.

Kultur[ännern | Bornkood ännern]

Sportplatz in Ruschwedel
Karkhoff in Ruschwedel mit Kapell, Klockentoorn un Kriegerdenkmaal

En Denkmaal för de Fullenen ut de twee Weltkrieg’ steiht op’n Karkhoff.

Verenen[ännern | Bornkood ännern]

De Mannschop von’n 1961 grünnten SV Ruschwedel speelt bi de Mannslüüd in de twete Bundsliga Fuustball.

Weertschop un Infrastruktur[ännern | Bornkood ännern]

Ruschwedel hett en egene Freewillige Füürwehr, de 1943 grünnt worrn is.

Verkehr[ännern | Bornkood ännern]

Bahnhoff Ruschwedel

Ruschwedel liggt an de Kreisstraat 49, de in’n Süüdoosten na Obbens löppt un in’n Noorden an de K 26 ranlöppt, de denn na Harsfeld un Heendörp geiht un över de K 37 na Bliersdörp. En lüttjere Straat geiht na Kommerbusch un Remnoh.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so negen Kilometer in’n Noordoosten von Ruschwedel.

Dat Dörp hett ok en egen Bahnhoff an de Bahnlien Bremerhoben–Buxthu.

Scholen[ännern | Bornkood ännern]

Ruschwedel hett keen egen School mehr, de Volksschool is 1972 dichtmaakt worrn. Dat Dörp hett aver en Speelkreis.

Lüüd[ännern | Bornkood ännern]

De plattdüütsche Schriever Johann Diedrich Bellmann is 1930 in Ruschwedel boren.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 197
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 522
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Ruschwedel. Mehr Biller, Videos oder Audiodateien to’t Thema gifft dat bi Wikimedia Commons.